Elbasynyń eldestirýdegi eńbegin joǵary baǵalady

Túrkııanyń taralymy eń kóp basylymy «Hýrrıet» gazetinde 8 shilde kúni Reseımen aradaǵy shıelenisti sheshýge sebepker bolǵan mańyzdy dıplomatııalyq oqıǵa týraly maqala jarııalandy. «Túrkııa men Reseıdi bitimge keltirgen dıplomatııalyq oqıǵa týraly» dep atalatyn maqalada Elbasy N.Nazarbaevtyń halyqaralyq qatynastardaǵy eren eńbegi jaıynda aıtylady. Bedeldi basylym Qazaqstan Prezıdenti N.Nazarbaevtyń Túrkııa men Reseı qarym-qatynasyn qalpyna keltirý úshin Sankt-Peterbýrgte jáne Tashkentte Reseı Prezıdenti V.Pýtınmen kezdeskenin aıtady. Nátıjesinde Elbasynyń keńesimen Túrkııa Prezıdenti R.Erdoǵan óz atynan hat ázirlep,  ol keshikpeı Reseı Prezıdentine jóneltiledi. Atalǵan hat sheshýshi ról atqaryp, eki el arasynda kelissózder júre bastady. Bul álemdik qoǵamdastyq úshin úlken jańalyq bolǵany belgili. Osy oqıǵalardy avtor Túrkııa Prezıdenti Ákimshiliginen alynǵan naqty aıǵaqtardy keltire otyryp, egjeı-tegjeıli baıandaıdy. Sondaı-aq, ol Reseı men Túrkııa arasyndaǵy siresken seńdi buzyp, dostyq qatynastardy qaıta jandandyrýǵa yqpal etken hatty ázirleýge Qazaqstan dıplomattarynyń atsalysqany aıtylady. Qazaqstan basshysynyń mámilegerlik sheshimderiniń arqasynda kórshiles irgeli memleketterdiń qarym-qatynasy túzelip, kúni keshe Redjep Erdoǵannyń Sankt-Peterbýrg qalasynda Reseı Prezıdentimen kezdesýine ulasqany belgili. Maqala avtory «...Ankaraǵa alǵashqy bolyp, bılikke qoldaý kórsetý maqsatymen N.Nazarbaev keldi», degen joldar arqyly Elbasynyń taıaýda ǵana Túrik Respýblıkasyna resmı saparmen barǵanyn atap ótedi.  Bul sapar týraly aıta keter bolsaq, baýyrlas eldegi júzege aspaı qalǵan áskerı tóńkeristen keıin osy elge alǵash bolyp barǵan N.Nazarbaevty Redjep Taıyp Erdoǵan resmı sapar mártebesine laıyq barlyq jón-joralǵymen qarsy alǵan bolatyn. Túrkııa memleketi basshysynyń: «Nursultan Nazarbaevtyń Túrkııaǵa resmı saparmen kelýi men úshin, elim úshin jáne ultym úshin úlken abyroı bolyp tur. «Jaman jigit basyn arashalaıdy, jaqsy jigit dosyn arashalaıdy» demekshi, bul resmı sapar Nursultan Nazarbaevtyń baýyrlas halyqty oılaıtyn shynaıy dostyǵyn aıǵaqtaı túsedi», dep aǵynan jarylǵany da esimizde. «Hýrrıet» gazeti Túrkııada asa joǵary bedelge ıe ekenin joǵaryda atap óttik. Elbasy N.Nazarbaevtyń halyqaralyq arenadaǵy mámilegerlik róline joǵary baǵa bergen bul maqala basqa da shet memleketterdiń BAQ-tarynda jarııalanyp jatyr. Búgingi tańda Túrkııanyń beldi basylymdarynda jarııalanǵan maqalalarda, áleýmettik jelilerde Reseı men Túrkııa arasyndaǵy shıelenistiń túıinin sheship, tońteris qatynastardyń túzelýine yqpal etkeni úshin Qazaqstan Prezıdenti Nursultan Nazarbaevqa rızashylyq bildirýshilerdiń qatary kóp. Atap aıtqanda, 8 tamyz kúni Ystanbul shaharynda demokratııalyq rejimdi qoldap, alańǵa shyqqan júzdegen myń túrik azamattarynyń arasynda Qazaqstannyń memlekettik týyn kótergen, Qazaqstan Respýblıkasy Prezıdentiniń atyna alǵystaryn aıtqan túrik baýyrlar az bolǵan joq. Bul olardyń eldiń basyna bult úıirilgen almaǵaıyp ýaqytta baýyrlas halyqqa shynaıy dostyq peıilin kórsete bilgen, Túrki áleminiń lıderine tán minez ben bitimgerlik qasıetin aıqyn kórsetken Elbasyna degen shynaıy qurmetiniń belgisi dep bilemiz. Ázirlegen Arnur ASQAROV, «Egemen Qazaqstan»