Elimizdiń basym bóliginde kún ashyq bolady

Elimizdiń basym bóliginde aýa raıy jaýyn-shashynsyz, tek respýblıkanyń soltústiginde, batysynda jáne ońtústiginde atmosferalyq frontaldy bólikterdiń ótýine baılanysty ótkinshi jańbyr jaýyp, naızaǵaı oınaıdy. Qazaqstannyń keı jerlerinde jel kúsheıse, ońtústik óńirlerde shańdy daýyl bolady. Al soltústik aımaqtyń keı jerlerinde tuman túsedi. Atyraý, Aqmola, Ońtústik Qazaqstan, Shyǵys Qazaqstan oblystarynda jel 15-20 m/s kúsheıedi. Jambyl men Qyzylorda oblystarynyń keı jerlerinde shańdy daýyl soǵyp, jel 15-20 m/s artady. Soltústik Qazaqstan oblysynda ekpindi jel turyp, túnde jáne tańerten tuman kútiledi. Kúndiz Atyraý, Aqtóbe, Batys Qazaqstan, Qostanaı oblystarynda, Mańǵystaý, Qaraǵandy oblystarynyń keı jerlerinde qatty ystyq bolady. Qyzylorda, Ońtústik Qazaqstan oblystarynda, Atyraý, Aqtóbe, Qostanaı, Qaraǵańdy, Jambyl oblystarynyń keı jerlerinde óte joǵary órt qaýipi saqtalady. Talǵat RAIYMBEK