Stanımır Stoılov: «Astana óz alańynda jeńýi tıis»

Erteń fýtboldan «Astana» komandasy Eýropa lıgasy pleı-off kezeńinde Belarýstiń BATE klýbymen kezdesedi. Osyǵan baılanysty búgin elordalyq jasaqtyń bas jattyqtyrýshysy Stanımır Stoılov aldaǵy oıyn týraly oılarymen bólisti. – Bul match óta tartymty ótedi. Eki jaqqa da qıyn bolady.  BATE – ońaılyqpen berise salatyn komanda emes. Onyń Eýrokýboktarda tájirıbesi ber. Biz de qarap jatpaımyz. О́z alańymyzda barymyzdy salamyz, – dedi ol. Komandanyń bas jattyqtyrýshysynyń aıtýynsha, «Astana» osynyń aldynda Shotlandııanyń «Seltık» klýbymen oıynda jaqsy óner kórsetti. Eger komanda dál osylaı sııaqty Borısovtyń ujymyn jeńedi. –Bul matchta «Astana» quramynda birneshe oıynshylar oınamaıdy. «Seltıkpen» kezdesýde alańnań qýylǵan Dmıtrıı Shomko men Igor Shıtovtan basqa, Konstantın Engel de alańǵa shyqpaıdy. Komandada tórt-aq qorǵaýshy qaldy. Solarmen birnárse oılastyrarmyn, – dedi ol odan ári. Stanımır Stoılov sóziniń sońynda  BATE klýbynyń qorǵanysta saýatty, shabýylda shıraq oınaıtynyn, komandada jas bolsa da bas bola alatyn, Eýrokýboktarda talaı alańnyń shańyn qaqqan, klýbtyń jeıdesin tozdyryp, bar kúsh-jigerin salyp júrgen tájirıbeli oıynshylardyń bar ekenin aıtty. «Sondyqtan bizge BATE-ni Astanada jeńi kerek. О́ıtkeni, Borısovta oıyn qıyn bolady», dedi. Dastan KENJALIN Foto: vk.com/astanafootballclub