Aýqymdy sharalar aldynda

Syrtqy ister mınıstri Erlan Ydyrysovtyń tóra­ǵa­lyǵymen jáne elimizdiń Qarjy mınıstrligi Memlekettik kirister komıtetiniń tóraǵasy Dáýlet Erǵojın­niń qaty­sýymen Qazaqstanda akkredıttelgen barlyq dıplo­ma­tııalyq mıssııa men halyqaralyq uıymdar ókilderine arnalǵan brıfıng ótti. «Sizder jazǵy demalystan keıin qyzmetterińizge jańadan kiri­sip jatyrsyzdar. Aldaǵy ýaqytta bizdiń kópjaqty ári jemisti áriptestigimizdi damytýǵa úles qosa­syzdar degen senimdemiz. Biz bola­shaqta da osy ıgi dástúrimizdi saq­taı otyryp, sizdermen turaq­ty túrde kezdesý ótkizgimiz keledi. Máselen, aldaǵy ýaqyt aıtýly oqıǵalarǵa toly bolmaq. Eń bas­ty oqıǵa – ol Qazaqstan Táýel­sizdi­giniń 25 jyldyǵy. Demek, bul jyl elimiz úshin tarıhı mańy­zy bar datany atap ótýge arnal­maq», – degen syrtqy saıasat vedomstvo­synyń basshysy bıylǵy jylǵa jos­parlanǵan mańyzdy sharalarǵa eli­mizde tirkelgen sheteldik dıplo­matııalyq mıssııa ókilderi mindetti túrde shaqyrylatynyn jetkizdi. Sondaı-aq, mınıstr: «Biz 2017-2018 jyldary BUU Qaýipsizdik Keńesiniń turaqty emes músheligine Qazaqstannyń saılanýyna óte qýanyshtymyz. Bul – Qazaqstan úshin úlken jetistik. Osy oraıda sizderdiń qoldaýlaryńyz ben yqpaldastyq jumystaryńyzǵa alǵysymyzdy aıtamyz», – dedi. E. Ydyrysovtyń aıtýynsha, Qazaqstan BUU Qaýipsizdik Keńesindegi óziniń jaýapkershilikke toly mindetine daıyndyq ústinde. Bul rette, Qazaqstannyń atalǵan Keńestiń turaqty emes múshesi bolýyna qatysty keshendi jospar da ázirlenip jatqan kórinedi. Sonymen qatar, mınıstr Elbasynyń bastamasy negizinde 29 tamyzda álemdik deńgeıde Iаdro­lyq qarýǵa qarsy is-qımyl­dyń halyqaralyq kúni atap ótile­tinine, bıyl da bul ataýly dataǵa baılanysty aýqymdy shara uıymdastyrylatynyna toqtal­dy. «Jaqynda Semeı ıadrolyq polı­go­nynyń jabylýynyń 25 jyldyǵyna oraı, halyqaralyq konferensııa uıymdastyrylmaq. Qazaqstannyń ıadrolyq qarýsyzdaný jáne taratpaý máselesinde kóshbasshy elge aınalýy úshin barlyq quqyǵy bar. Sondyqtan, 29 tamyz kúni osy máselege arnalǵan aýqymdy konferensııa ótedi», – deı kele, oǵan Azııa, Afrıka, Eýropa elderinen qurmetti qonaqtar men laýazymdy tulǵalardyń arnaıy shaqyrylyp otyrǵanyn jetkizdi. Syrtqy ister mınıstri Qazaqstan BUU Qaýipsizdik Keńesiniń turaqty emes múshesi retinde beıbitshilikti nyǵaıtý aıasyndaǵy bastamalardy budan keıin de ilgerilete beretinin, ol úshin seriktestermen tyǵyz áriptestik baılanys ornatý jalǵasatynyn aıtty. Erlan Ydyrysov, sondaı-aq, Qazaqstan Táýelsizdiginiń 25 jyldyǵy qarsańynda aýqymdy sharalar atqarylatyny jáne Elbasy Nursultan Nazarbaevtyń shetelderge josparlanǵan saparlary týraly aıtyp berdi. «Qazaqstan Prezıdentiniń halyqaralyq saparlarynyń kestesi óte tyǵyz. Máselen, Memleket basshysynyń Polshaǵa, Serbııaǵa saparlary josparlanǵan, sonymen qatar, biz qyrkúıekte Qytaıdaǵy G20 Sammıtine shaqyryldyq. Budan bólek, Elbasy kúzde Japonııaǵa, Koreıaǵa saparlaıdy, sondaı-aq, Ázerbaıjan men Armenııaǵa, Saýd Arabııasy Koroldigine jáne Iordanııaǵa barady. Budan basqa da iri sharalar ótkiziledi», – dedi mınıstr bul týrasynda. О́z sózinde E.Ydyrysov Memleket basshysy N.Nazarbaevtyń álemdegi eń iri ıadrolyq polıgondy jabý týraly tarıhı Jarlyǵyna 25 jyl tolýy halyqaralyq mańyzǵa ıe oqıǵa ekenine, sondyqtan, atalǵan mereıtoı aıasynda 29 tamyz kúni Astanada úlken konferensııa uıymdastyrylatynyna toqtaldy. Onyń aıtýynsha, mańyzdy jıynǵa antııadrolyq qozǵalystyń beldi ókilderi, shetelderdiń jáne halyqaralyq uıymdardyń joǵary laýazymdy ókilderi qatysady. Máselen, dúnıe júzinen kelgen 150-ge tarta delegat ıadrolyq qarýdan jáne onyń synaqtarynan tolyqtaı bas tartýǵa qol jetkizý máselelerin talqy tarazysyna salmaq. Brıfıng kezinde vedomstvo basshysy men Memlekettik kirister komıtetiniń tóraǵasy Dáýlet Erǵojın Qazaqstan Respýblıkasynyń salyq zańnamasyna engizilgen túzetýlerge qatysty da túsinikteme berdi. Máselen, D. Erǵojınniń aıtýynsha, bul túzetýler men ózgeristerdiń sheteldik bızneske esh qatysy bolmaıdy eken. Al bul týraly óz oıyn bildirgen E.Ydyrysov: «Elimizdegi sheteldik bıznestiń tynys-tirshiligi árdaıym Qazaqstannyń nazarynda turady. Biz olardyń qyzmet etýine barlyq jaǵdaıdy jasaýǵa ázirmiz. Qarjy mınıstrliginiń Memlekettik kirister komıteti de dıplomatııalyq korpýspen jáne sheteldik bıznespen belsendi jumys atqarýǵa daıyn», – dedi. Láıla EDILQYZY, «Egemen Qazaqstan»