Úmitimizdi úkilegen úsheý

DÚBIR

Danııar Eleýsinov pen Ádilbek Nııazymbetov fınalda. Kóńilimiz kóterińki. Qudaı asylyqqa jazbasyn, erteń altyn salǵan qaptyń aýyzy ashylǵaly tur. Shoıyn judyryq jigitterimiz osylaı qýanta berse eken. Bul kúni Jaına Shekerbekova fransýz qyzy Sara Oýrahmonnan óte almady. Esesine asa aýyr salmaqtaǵy alybymyz Ivan Dychko nıgerııalyq talantty boksshy Efe Adjagbany 3:0 esebimen jeńip, jartylaı fınalǵa ótti. Dál qazir qaltasynda qola medaldiń býy burqyrap tur. Biraq bizdiń jigit buǵan qanaǵattana qoımas dep oılaımyz. Býkmerlik keńse degender júrekti alyp bitti. Bizdiń jigit týraly ne dep jatyr, dep tyńdap kóresiń ǵoı. Jatyp kep Djoshýa Býatsýdy maqtaıdy. Surapyl boksshy. О́zbektiń tańdaýly boks­shysy Elshod Rasýlovty úsh uryp qulatyp, nokaýtqa túsirgen. Rasýlov Nııazymbetovti jeńip júrgen, sondyqtan Býatsý Nııazymbetovti de nokaýtqa túsirse, tańdanýǵa bolmaıdy. Sózi osylaı. Biraq olar aldymen Ádilbektiń Elshodty qatarynan eki ret utqanyn, keıin eki ret qarsylasy qarymta qaıtarǵanyn aıtpaıdy. Nııazymbetov bulardyń áýlıe emes ekenderin is júzinde dáleldep berdi. Keýdesin kerip shyqqan Býatsý shegine júrip, aıqas salǵan bizdiń batyrdyń ekpinine ilese almady. О́zgelerdi uryp qulatyp, dándep qalǵan aǵylshynnyń mańdaıy Ádilbektiń shoıyn judyryǵyna kezigip qala berdi. Bizdiń boksshy qolyna qolǵap kıip emes, qos súńgi ustap shyqqandaı qaıta-qaıta boılatyp suǵyp alady. Býatsý da aıanyp qalyp júrgen joq. Keıde soqqysy dóp tıgende, myna jaqta biz ushyp kete jazdaımyz. Nııazymbetov óte salqynqandy eken. Býatsýdyń ashyq aıqasqa shaqyrǵanyna elp ete qalǵan joq, ózine upaı ákelip jatqan mánerin ózgertpedi. Jeńiske osylaı jettik. «Egemen Qazaqstannyń» arnaýly tilshisi Baqtııar TAIJAN Rıo-de-Janeırodan habarlaıdy

JÚLDELER JIYNTYǴY

(16 tamyzdaǵy málimet)

№	Quramalar	Altyn	Kúmis	Qola	Barlyǵy
1	AQSh	28	28	28	84
2	Ulybrıtanııa	19	19	12	50
3	Qytaı	17	15	19	51
4	Reseı	12	12	14	38
5	Germanııa	11	8	7	26
6	Italııa	8	9	6	23
7	Nıderland	8	3	3	14
8	Fransııa	7	11	11	29
9	Avstralııa	7	8	9	24
10	Japonııa	7	4	18	29
15	QAZAQSTAN	2	3	5	10
30	О́zbekstan	2	0	4	6
33	Ýkraına	1	4	2	7
36	Armenııa	1	3	0	4
37	Belarýs	1	2	2	5
40	Grýzııa	1	1	3	5
54	Ázerbaıjan	0	2	3	5
58	Lıtva	0	1	2	3
69	Qyrǵyzstan	0	0	1	1
69	Moldova	0	0	1	1
69	Estonııa	0	0	1	1

Uzaq kútkennen utylypty

Rıo-de-Janeıroda burnaǵy kúni túnde bokstan birinshi kez­desýin ót­kizip, ony jeńilispen bitirgen 51 kı­lo­ǵa deıingi salmaq­taǵy Jaına She­ker­bekova jarysty uzaq kútkeni ózine qosymsha júk bo­lyp jabysqanyn málimdedi. Osy jaǵdaı ony psı­hologııalyq jaǵy­nan qajytyp jibergen. Bul óz keze­gin­de jekpe-jekke aıtar­lyq­taı áser etken. «Jeńý úshin barymdy saldym. Biraq, ókinishke qaraı, utylyp qaldym. О́zim psıhologııalyq turǵydan daıyn bolmaǵanymdy sezdim», – dedi boksshy. «Men Rıoǵa kelgennen keıin jekpe-jegimdi uzaq kúttim. Bul adamǵa qatty áser etedi eken. Ony basymnan ótkerdim. Osynyń maǵan kedergi bolǵanyna kúmánim joq. Negizi, qarsylasymdy burynnan jaqsy biletinmin. Jattyǵýlarda kezdesip kórgenbiz. Biraq, búgin qan­sha jerden talpynsam da, jeńisti ýysymnan shyǵaryp aldym», – dedi Jaına Shekerbekova osy oraıda.

Aýyr salmaqtaǵy alpaýyt

Grýzııa qurama komandasynyń aýyr atleti Lasha Talahadze óz eliniń qorjynyna birinshi altyn medaldy túsirýmen birge, álemniń jańa rekordyn da jasap úlgerdi. Tamyzdyń 16-sy kúni túnde jarys jolyna shyqqan sportshy 105 kılodan aýyr salmaqtaǵylar básekesinde aldyna jan salǵan joq. Grýzın atletiniń qossaıysta jınaǵan 473 kılo salmaǵy álemniń jańa rekordy bolyp tabylady. Ol julqa kóterýde 215, serpe kóterýde 258 kılo salmaqtardy baǵyndyryp, jıyntyǵynda 473 kıloǵa taban tiredi. Bul – álemniń burynǵy eń úzdik kórsetkishinen 1 kıloǵa artyq. Sóıtip, ol Irannyń ataqty ziltemirshisi Hosseın Rezazadeniń 2000 jylǵy Sıdneıden beri myzǵymaı turǵan rekordyna ózgeris engizdi.

Brıtan býkmekerleriniń tosyn tóreligi

Brıtanııanyń býkmekerlik keńsesi Olımpııa rınginde tóreshilerdiń sheshimimen Evgenıı Tıshenkodan jeńilis tapqan Vasılıı Levıttiń jeńetini týrasynda boljam bildirgenderge aqsha tóleıtinderin habarlady. Sebebi, Paddy Power Reseı boksshysy fınalda altyn medaldy ádiletsiz jolmen jeńip aldy dep esepteıdi. Aıtýlarynsha, jekpe-jekte Qazaqstan bylǵary qolǵap sheberi talassyz jeńgen. Sondyqtan boljam Vasılııdiń jeńiske jetkeni retinde qabyldanady. «Vasılıı Levıttiń altyn medali ótken túnde urlanyp alynǵannan keıin biz aqyny onyń jeńisi úshin tóleýge sheshim qabyl­da­dyq», – delingen keńseniń Tvıtterdegi paraqshasynda.

«Sekirgish» sprınter

Bagam araldarynyń jelaıaǵy Shona Mıller 400 metrge sprınterlik júgirýde altyn medal alý úshin qolynan kelgenniń bárin jasap baqty. Ol máre syzyǵyn kesip ótýge sanaýly metrler qalǵan kezde óziniń amerıkalyq básekelesi Ellıson Felıksti artqa qaldyryp kete almasyn sezedi de, júgirip kele jatyp, alǵa qaraı bar pármenimen sekirip qalady. Jeńil atlettiń munysy nıetin aqtady. Ol Felıksten máreni júzden jeti sekýnd buryn qıyp ótti. Osylaısha chem­pıon bolyp shyǵa keldi. «Men júgirip kele jatqanda, eshteńe de oı­laǵanym joq. Bar maqsatym qalaıda bas­ty básekelesimnen buryn ótý boldy. Sol sát­te kóz aldymda altyn medaldan bas­­qa esh­teńe bolmady. Al sekirip qalǵan­nan ke­ıin esimdi jısam, jerde qulap jatyr eken­­min», – dep túsindirdi munysyn sońynan Mıller. Shona aıtylǵan qashyqtyqty 49,44 sekýndtyq kórsetkishpen ótti. Sýretti túsirgen Danııar MAILYBAEV Osydan keıin amerıkalyqtar tarapynan oǵan jan-jaqtan shabýyl bastaldy. Jelidegiler qyzdy «Bagamnyń sekir­gishi» dep keketti. Olar jarystyń uzyn­dyqqa sekirýden emes, júgirýden ótkenin de aıtyp jatty. Alaıda, bagamdyq sprınterdiń bul áreketi halyqaralyq jeńil atletıka federasııasynyń ere­jelerine tolyq sáıkesetin bolyp shyqty. Mundaıda jeńil atlettiń qoly, aıaǵy ne basy máreden eń birinshi ótken kezi esepke alynady eken. Al Felıks buǵan deıin de mundaı quqaıdy basynan keshipti. Rıoǵa keler aldyndaǵy irikteý synynda onymen jarysqa túsken otandasy Djenna Pran­dını 200 metr qashyqtyqqa júgirý kezinde tap osylaı sekirip ótken kórinedi.

Prezıdentti kúzetetin chempıon

Rıo rınginde jeńiske jetken boks­shy Evgenıı Tıshenko Reseı prezıdenti kúzetiniń qyzmetkeri bolyp jumys isteıtin kórinedi. Ol jarystarǵa Reseı federaldy kúzet qyzmeti sport klýbynyń atynan qatysyp kelipti. Tıshenkony sportshy retinde ósip-jetildirý jaıymen Ishki ister mınıstr­ligi aınalysypty. Keıin ásker qataryna alynyp, federaldy kúzet qyzmetine tap bolǵan. «Shamasy, onyń ózi de qaıda jumys istep júrgenin tolyq bile qoımaǵan shyǵar. Sebebi, Brazılııada bergen birinshi suhbatynda ózin polıseı retinde atap kórsetipti. Biraq ol Olımpıadadan keıin óziniń jumys istep júrgen jerine, ıaǵnı kúzet qyzmetine qaıta oralady. Al qyzmet etý merzimi aıaqtalǵasyn, osynda qala bere me, joq kete me, ony ózi sheshedi», – dep málimdeıdi vedomstvo ókili. Tıshenko bokspen besinshi synyptan shuǵyldana bastapty. Bolashaq Olımpıada chempıony mektepte oqyp júrgen kezinde Ońtústik federaldy okrýginiń birinshiliginde júldeli oryndardan kórinipti. Bettiń materıaldaryn daıyndaǵan Serik PIRNAZAR, «Egemen Qazaqstan»