Uıymdy damytý máseleleri talqylandy

Erevanda Ujymdyq qaýipsizdik týraly shart uıymy Qorǵanys mınıstrleri keńesiniń kezekti otyrysy ótti. Armenııa, Belarýs, Qazaqstan, Qyrǵyzstan, Reseı jáne Tájikstan UQShU memleketteri qorǵanys vedomstvolarynyń basshylary ujymdyq qaýipsizdik júıesiniń iske qosylý jáne damý máselelerin, uıymnyń Birikken shtabynyń qyzmetin jetildirý jónindegi sharalardy, memleketterdiń áskerı yntymaqtastyǵynyń bolashaǵyn josparlaýdy talqylady. Qorǵanys mınıstrleri keńesiniń otyrysynda barlyǵy 11 másele qaraldy. Onyń ishinde, 6 eldiń qorǵanys vedomstvolarynyń basshylary 2016 jyldyń ekinshi jartyjyldyǵy men 2017 jyldyń birinshi jartyjyldyǵyna arnalǵan syrtqy saıasat, qaýipsizdik pen qorǵanys máseleleri boıynsha keńes berý josparyn bekitti. Sondaı-aq, kezdesý barysynda áýe shabýylyna jáne zymyranǵa qarsy qorǵanys problemalaryn zertteý salasyndaǵy bazalyq ǵylymı-zertteý uıymdary týraly ereje bekitildi. 2020 jylǵa deıingi kezeńde UQShU-ǵa múshe memleketterdiń áskerı yntymaqtastyǵyn damy­týdyń negizgi baǵyttaryn iske asyrý jónindegi is-sharalar jos­paryna, sonymen qatar, uıymnyń Birikken shtabynyń áskerı geraldıkalyq belgilerin qurý týraly Qorǵanys mınıstrleri keńesiniń sheshimine qosymsha ózgerister engizildi. Ujymdyq qaýipsizdik týraly shart uıymy beıbitshilikti, halyqaralyq jáne óńirlik qaýipsizdik pen turaqtylyqty nyǵaıtý, ujymdyq negizde táýelsizdikti, aýmaqtyq tutastyq pen onyń qatysýshy memleketteriniń egemendigin qorǵaý úshin 2002 jyly qurylǵanyn aıta ketken jón. Búgingi tańda UQShU-nyń quramynda birqatar qurylymdyq organdar bar. Udaıy negizde «Shep», «О́zara is-qımyl», «Myzǵymas baýyrlastyq», «Izdestirý» birlesken oqý-jattyǵýlary ótkizilip turady. О́tken kezeńde jańa qaýip-qaterlerdiń týyndaýyna baılanysty, sondaı-aq, ózara is-qımyl men áskerı yntymaqtastyqty nyǵaıtý sheńberinde Ujymdyq jedel den qoıý kúshteri, ujymdyq bitimgershilik, avıasııalyq kúshter qalyptastyrylyp, bas shtabtar bastyqtary deńgeıindegi Áskerı komıtet quryldy.