Altynmen aptalǵan iPhone 7

Túrli brend ónimderdiń lıýks nusqasyn jasaýmen aınalysatyn «Brikk» kompanııasy jaqynda dúnıe júzindegi eń qymbat smartfondardy  satylymǵa shyǵarmaq. iPhone 7 smartfonyn túrli asyl tastarmen bezendiretin kompanııa onyń baǵasyn aldyn ala 1,3 mıllıon dollarǵa baǵalap otyr. Smartfon qymbat metaldarmen qaptalyp, gaýhar tastarmen árlenedi. Zergerler oǵan 24 karat sary altyn, 1 karat qyzǵylt altyn, 950 synama­ly platına, sondaı-aq irili-usaqty 60 karattyq gaýhar tastardy paıdalanbaq. – Baǵasy budan áldeqaıda arzandaý túrin de satyp alýǵa bolady. Ondaı smartfondardy qyzǵylt jáne sary altynmen, gaýhar tastarmen bezendiremiz. Árıne, aldyńǵysyna jetpeıdi, esesine qarapaıym smartfondardan kóptegen artyqshylyqtary bar. Baǵasy da asa qymbat emes – 5 myń dollar shamasynda, – deıdi kompanııa ókili. «Brikk» kompanııasy buǵan deıin altynmen fotoapparat, qolsaǵat, belbeý syndy brend ónimderdiń lıýks nusqasyn shyǵarǵan bolatyn. «Apple» kompanııasynyń burynǵy ónimderin de árlegen. Alaıda, smartfondardyń arasyndaǵy eń baǵalysy iPhone 7 bolǵaly tur. Qymbat qurylǵynyń fotosy kompanııanyń resmı saıtynda kórsetilgen. Qazirdiń ózinde ony satyp alýǵa tapsyrys berip jatqandar kóp. Nurhan ASQAR