Osy tergeý isi boıynsha kúdiktiler qatarynda birqatar laýazymdy adamdar – Brazııalııanyń burynǵy prezıdenti Lýıs Inasıý Lýla Sılva, eldiń burynǵy bilim mınıstri Aloızıý Merkadantı jáne kezinde bas memlekettik qorǵaýshy qyzmetin atqarǵan advokat Rýsseff Joze Edýardý Kardozý de bar. Globo telearnasynyń keltirgen derekterine qaraǵanda, tergeý sharalary ótken jyldyń sońynda sybaılas jemqorlyq jasaǵany úshin ustalǵan senator Delsıdıý Amaraldyń jaýap alý kezinde bergen aıǵaqtaryna baılanysty bastalǵan. D.Amaraldyń aıtýynsha, D.Rýsseff Petrobras kompanııasyndaǵy jemqorlyq týraly tergeýge úsh ret aralasýǵa tyrysqan.
Súńgýir qaıyqta jarylys boldy Ońtústik Koreıanyń Chhanven qalasy Chınhegý aýdanyndaǵy áskerı bazada turǵan súńgýir qaıyqta jarylys boldy. Bul aqparatty «Renhap» agenttigi eldiń qorǵanys mınıstrligine silteme jasaı otyryp habarlady. Oqıǵa jergilikti ýaqyt pen saǵat 08.30-da oryn alǵan. Atalǵan aqparat agenttiginiń habarlaýynsha, jarylys kemege jóndeý jumystaryn júrgizý kezinde bolǵan sııaqty. Qazirge bul boljam ǵana. Jarylystyń naqty sebebi tergeýden soń jarııa etiledi. Ońtústik Koreıa qorǵanys mınıstrligi ókiliniń sózine qaraǵanda, zardap shekken eki adamnyń bireýi aýyr halde jatyr. Jarylystan qurban bolǵandar da bolýy múmkin. Sondaı-aq, bir adam iz-túzsiz ketkender qatarynda. Áskerıler jarylystyń qýaty álgi adamdy bort syrtyna ushyryp jiberýi múmkin ekendigin aıtady.
Myńdaǵan turǵyn baspanalaryn tastap shyqty «Reıter» agenttigi taratqan aqparat boıynsha, AQSh-tyń Kalıfornııa shtatynyń ońtústiginde óte kúshti orman órtine baılanysty 80 myńnan astam adam óz úılerin tastap shyqqan. Kalıfornııa shtatynyń bıligi osyndaı sheshim qabyldaýǵa májbúr bolyp otyr. О́ıtkeni, jergilikti orman sharýashylyǵy jáne órtten qorǵaý departamenti ormandaǵy qyzyl jalyn tez taralyp kele jatqanyn eskertken. Buǵan deıin senbi kúni keshkisin Leık okrýginde bastalǵan órt San-Fransısko qalasynan shamamen 145 shaqyrymdaı jerdegi Loýer Leık qalasyna jetkeni habarlanǵan edi. О́rt sóndirýshiler órttiń osylaısha tez taralýy qurǵaqshylyqqa baılanysty ekenin aıtady. Qalada poshta men birneshe ofıstiń ǵımarattary janyp ketken. Quqyq qorǵaý organdarynyń qyzmetkerleri órttiń shyǵýyna sebepker bolǵan degen kúdikpen 40 jastaǵy er adamdy ustady.
Klıntonnyń basymdyǵy baıqalýda Demokratııalyq partııadan AQSh prezıdenttigine kandıdat Hılları Klınton «daýly» degen shtattarda Respýblıkalyq partııadan úmitker Donald Tramptan basym tústi jáne ol dástúrli «respýblıkalyq aýmaqta» Tramptan edáýir alda keledi. Bul jerde áńgime jeti «respýblıkalyq» shtat – Mıssýrı, Djordjııa, Tehas, Kanzas, Arızona, Indıana jáne Ońtústik Karolına jóninde bolyp otyr. Osy shtattarda ótken saılaýaldy naýqanda respýblıkashylar 63-tiń 58-in utqan edi. Qazir Donald Tramptyń kóshbasshylyǵy eki paıyzdan alty paıyzǵa deıin tómendedi. Al demokrat Hılları Klınton toǵyz «daýly» shtatta qarsylasyn basyp ozdy. Onyń beseýinde – Kolorado, Vırdjınııa, Pensılvanııa jáne Nıý-Gempshırde burynǵy memlekettik hatshynyń basymdyǵy 9-11 paıyzdy quraıdy.
Aqsaqaldar keńesiniń jıyny ótýde Astanada Túrki keńesi aqsaqaldar keńesiniń XI otyrysy bastaldy. Túrki Keńesiniń Bas hatshysy Ramıl Hasanov ashqan jıynǵa Aqsaqaldar keńesiniń músheleri Fattah Geıdarov (Ázerbaıjan), Ádil Ahmetov (Qazaqstan), Beksultan Jakıev (Qyrǵyzstan), Mustafa Isen (Túrkııa), sondaı-aq elshilik qyzmetkerleri qatysýda. Úsh kúnge sozylatyn alqaly basqosýda Aqsaqaldar keńesiniń aldyńǵy otyrystarynda aıtylǵan usynystar men tapsyrmalardyń oryndalý deńgeıi qarastyrylady. Sonymen qatar, Túrki Keńesiniń saıasat, ekonomıka, bilim, mádenıet, kólik jáne týrızm salalary boıynsha ótkizetin aldaǵy is-sharalar jóninde usynystar qabyldanady. Alǵashqy otyrysy Astanada bastalǵan jıyn Býrabaıda jalǵasady.
Qaqtyǵys qurbandarynyń sany 65-ke jetti NBTV telearnasynyń habarlaýynsha, Úndistannyń soltústigindegi Djammý jáne Kashmır shtattarynda jappaı qaqtyǵystardan qaza tapqandar sany 70-ke jýyqtady. Narazylyqqa shyqqandar aldymen polıseılerge tas laqtyra bastaǵan. Al polıseıler jınalǵan topty taratý maqsatynda olarǵa qaratyp oq atqan. Kúsh qurylymdarynyń osy áreketi saldarynan bes adam mert bolyp, 15 adam jaralandy. Osynyń aldynda, ıaǵnı 15 tamyzda bolǵan qaqtyǵystan sherýge shyqqan bir adam qaza tapqan edi. Djammý jáne Kashmır shtattaryndaǵy qaqtyǵystar saldarynan qaza tapqandar qatary 70-ke jetti, al jaraqat alǵandar qatary 5 myń adamnan asty. Narazylyq áreketter 2016 jyly 8 shildede úndistandyq kúshter 21 jastaǵy terrorlyq uıymnyń belsendisi Muzaffar Vanıdiń kózin joıǵannan soń bastalǵan edi.
Internet materıaldary negizinde ázirlendi
