Almatyda Balandın men Shákimova marapattaldy

Olımpıadanyń altyn medalin ıelengen «qazaq Felpsi» júzgish Dmıtrıı Balandın men qyz-kelinshekter arasynda bokstan Olımpıadanyń qola júldesin jeńip alǵan Darıǵa Shákimovaǵa laıyqty syı-sııapat kórsetildi.  Darıǵanyń bıylǵy Olımpıada kezinde sheberligi úshin Vel Barker Kýbogyn ıelengen amerıkalyq boksshy, eki márte Olımpıada chempıony Klaressa Shıldske qaımyqpaı qarsy turǵanyn eske alǵan jınalǵan qaýym qaısar qyzǵa erekshe qurmet kórsetip, qol soqty. Úkimetttiń arnaı sheshimi boıynsha Olımpıadada birinshi oryn alǵan sportshy qarjylyq syıaqydan tys (250 myń AQSh dollary) 3 bólmeli, úshinshi oryn alǵan sportshy (50 myń AQSh dollar) bir bólmeli páterdiń kiltin qolyna alýy tıis. Búgin Almatyda sol sheshimge saı talaptar júzege asty. Saltanat ústinde sóz sóılegen qala ákimi Baýyrjan Baıbek: – Qurmetti sportshylar, sizder Qazaqstan Táýelsizdiginiń 25 jyldyǵyna tuspa-tus kelgen kelgen Rıo Olımpıadasynda el namysyn qorǵap, elimizdiń kók Týyn kókke kóterdińizder,– dedi. – Almaty­lyqtar jáne barsha qazaqstandyq jankúıerler dúbirli kúnderi sizderge ár sát qoldaý kórsetti. Áýejaıda zor qýanyshpen qarsy aldy. Kúni keshe Elbasy Nursultan Nazarbaev barlyq júldegerdi Astanada qabyldap, memlekettik nagradalarmen marapattady. Sizderdi tárbıelegen ata-analaryńyzǵa, sizderdi úlken sportqa daıyndaǵan jattyqtyrý­shylaryńyzǵa úlken rahmet! Dımanyń anasy osynda qatysyp otyr, al Darıǵanyń anasy – Petropavlda. Elbasy aıtqandaı, baqyttyń úsh kilti (kásiptiń kilti, úıdiń kilti, kóliktiń kilti) bolsa, búgin sizder sol úsh kiltke de ıe bolyp otyrsyzdar. Alda jańa bıikterge jete berýlerińizge tilektespin! Júzgish Dıma men boksshy Darıǵanyń bapkerleri de qala ákimdiginde ótken saltanatttan qur qol qaıtpady. Baýyrjan Baıbek olarǵa 3 mln jáne 2 mln teńge kóleminde syıaqy tabystady. Qala ákimdiginiń aldynda qyzyl lenta baılanǵan jol talǵamaıtyn qos kóliktiń kilti – Dmıtrıı Balandın («Toıota Land Krýzer-200») men Darıǵa Shákimovaǵa («Toıota Land Krýzer Prado-150») jınalǵan qaýymnyń dý qol shapalaǵynyń astynda berildi. О́z kezeginde sóz alǵan Darıǵa Shákimova men Dmıtrıı Balandın Elbasy Nursultan Nazarbaevqa, qoldaý kórsetken barsha qazaqstandyq jankúıerge jáne búgingi kórsetilgen syı-sııapat úshin shyn júrekten alǵys aıtty. Talǵat SÚIINBAI ALMATY