Búgingi tańda Qazaqstan alys shetelden jylyna 150 myń tonna almany ımporttaıdy. Alaıda, otandyq óndiris eldegi suranystyń 30 paıyzyn ǵana óteıdi. О́tken jyldardyń tájirıbesi men zamanaýı tehnologııalardy paıdalanyp, Qazaqstannyń baǵbandyǵy jańa damý deńgeıine kóterilip, elimizdiń aýyl sharýashylyq salasyndaǵy lokomotıvterdiń birine aınalý múmkindigi bar. Taraz qalasynda otandyq baǵbandyqty damytý máselelerine arnalǵan ǵylymı-praktıkalyq semınarǵa qatysýshylar osyndaı pikir aıtty.
Qatysýshylar Aýyl sharýashylyǵyn qarjylaı qoldaý qory qarjylandyrǵan «Shaıqoryq baýy» AО́K alma baǵymen tanysty. Joba aǵymdaǵy jyldyń 3 maýsymynda iske qosyldy. Baýdyń jalpy aýdany – 77 gektar, onyń 50 gektarynda Golden delıshes, Aıdared, Gala tuqymdy alma kóshetteri egildi. Baý jylyna 3 myń tonnaǵa deıin alma bere alady.
– Búginde Jambyl jáne Ońtústik Qazaqstan oblystarynda 6 joba júzege asyrylýda. Olardyń jalpy alańy – 350 gektar, jalpy qarjylandyrý somasy – 4 mlrd 480 mln teńge, – deıdi «Aýyl sharýashylyǵyn qarjylaı qoldaý qory» AQ basqarma tóraǵasy Jandar Omarov.
Oralhan DÁÝIT
