Ońtústik Qazaqstan dıqandary byltyrǵydan kóbirek ónim alady

  Ońtústik Qazaqstan oblysy boıynsha aýyl sharýashylyǵy daqyldarynyń barlyq egis kólemi ótken jyldan 12,8 myń gektarǵa artyp, 788,6 myń gektardy qurap otyr, dep habarlady OQO ákiminiń baspasóz qyzmetine silteme jasaǵan kaztrk.kz Osy jyly oblys dıqandary astyq ósirýde ozyq tehnologııalardy, onyń ishinde tereń qopsytý ádisin qoldana otyryp, úlken kórsetkishterge qol jetkizdi. Máselen, dıqandar 214,4 myń ga jerge masaqty dándi-daqyldar egip, onyń ár gektarynan 22 sentnerden, barlyǵy 470 myń tonna ónim jınaǵan. Bul ótken jylmen salystyrǵanda 123 myń tonnaǵa artyq. Aıta keteıik, bıyl sharýalar jalpy dándi-daqyldardan 660 myń tonna ónim jınaýdy josparlap otyr. Sonymen qatar, oblysta búgingi kúnge deıin 866 myń tonna kókónis, 991 myń tonna baqsha ónimi, 181 myń tonna kartop jınaldy. Agrarly aımaqtyń turǵyndary bıyl 125 myń tonna jemis-jıdek jáne 73 myń tonna júzim jınaýdy kózdep otyr. Osy ýaqytqa deıin olar 47,6 myń tonna jemis, 23,2 myń tonna júzim jınaǵan. О́ńirde jıyn-terim jumystarymen qatar, mal azyǵyn daıyndaý jumystary da qarqyndy júrgizilýde. Aıdar О́RISBAEV