Memlekettik organdar BAQ-pen yntymaqty jaqsartýy kerek - Dáýren Abaev

  Memlekettik organdar sapaly, túsinikti jáne qyzyqty aqparatty berýi tıis. Búgin Astanada kommýnıkasııalyq medıa-menedjment jáne qarjylyq saýattylyq taqyrybyndaǵy semınarda QR Aqparat jáne kommýnıkasııalar mınıstri Dáýren Abaev osylaı dedi. «О́z isińniń kásibı mamany bolý óte mańyzdy. Biz iri ózgerister kzeńinde ómir súrýdemiz. Qazirgi zamanǵy tehnologııalardyń arqasynda búgingi kúnniń aqparattyq beınesi alýan túrli. Buqaralyq aqparat quraldary betterinde tolyp jatqan oqıǵalar kórinis tabýda, ıaǵnı bul turǵyda otandyq valıýta baǵymynan bastap, basqa álemdegi tabıǵı apatqa deıin qamtylady. Bizge  barlyq aqparat qyzyqty jáne onyń barlyǵyn bilýimiz kerek», dep toqtaldy mınıstr. Búginde nıýsmeıkerlerdiń sany da aıtarlyqtaı artqanyna toqtalǵan D. Abaev, áleýmettik jeliler men qoljetimdi gadjetterdiń arqasynda qyzyqty aqparattyq avtory retinde ınternettiń kez kelgen paıdalanýshysy bola alatynyn jetkizdi. Sonymen qatar mınıstr halyqpen tıimdi kommýnıkasııalardyń tetikterin udaıy jetildirip otyrý kerektigin aıta kele, «buǵan únemi Memleket basshysymyz nazar aýdarýda. Búginde memlekettik organdar halqymyzdyń ál-aýqatyn jaqsartýǵa negizdelgen strategııalyq baǵdarlamalardyń ondaǵan baǵyttaryn iske asyrýda. Alaıda, osyndaı jumystyń aqparattyq nátıjesin qanaǵattanarlyq dep aıtý qıyndaý», dedi. Osy rette D. Abaev atqarylǵan jemisti jumystar tıisti deńgeıde jurtshylyqqa jetýi qajet, búgingi aqparattyq shynaıylyqta barshasy tıimdi jumys isteý kerektigin  atap ótti. «Ol úshin memlekettik organdar sapaly, túsinikti jáne adamdar úshin qyzyqty aqparatty berýi tıis, sondaı-aq barynsha jedeldik tanytyp, BAQ-pen senimge negizdelgen iskerlik baılanystardy qurý kerek», dedi mınıstr. Atalǵan semınardy QR Aqparat jáne kommýnıkasııalar mınıstrligi, QR Qarjy mınıstrligi uıymdastyryp otyr. Sharaǵa memlekettik qurylymdardyń top-menedjerleri, bas redaktorlar, baspasóz qyzmetiniń jáne jýrnalıstik pýldyń ókilderi qatysýda. Semınar barysynda spıkerler retinde medıa-saladaǵy bedeldi adamdar men sarapshylar shaqyryldy.