Memlekettik organdar men jýrnalısterdiń basty ustanymy eldiń tutastyǵyn saqtaý bolýy tıis

«О́zderińiz bilesizder, men 5 jyl boıy Prezıdenttiń janynda jumys istedim jáne Elbasydan kóp nárse úırendim, osy kúnge deıin tálim alýdamyn. Osy rette qyzyqty jaǵdaıǵa nazar aýdardym. Memleket basshysy pıarmen aınalyspaıdy. Prezıdent sapaly túrde uǵyndyra alady. Iаǵnı, Elbasy áńgime barysynda barlyǵyn túsinikti túrde jetkizedi. Bul turǵyda Prezıdenttiń kúsh-jigeri halyq úshin, Qazaqstannyń ıgiligine baǵyttalǵan», dedi búgin Astanada kommýnıkasııalyq medıa-menedjment jáne qarjylyq saýattylyq taqyrybyndaǵy semınarda sóılegen QR Aqparat jáne kommýnıkasııalar mınıstri Dáýren Abaev. D. Abaev aqparattyq saıasat qoǵamnyń tynyshtyǵy men el damýynyń ajyramas bóligine aınalǵanyn atap ótti. «Sondyqtan dál qazir bizde de aqparattyq qaýipsizdikti qamtamasyz etý, sonymen birge memlekettik saıasatty halyqqa tolyqqandy jetkizý asa mańyzdy. Bul iste memlekettik organdardyń, jýrnalısterdiń de basty ustanymy eldiń tutastyǵyn saqtaý, halyqtyń ıgi bastamalaryna baǵyttaý bolýy tıis. Búgingi jıyn osyndaı ortaq mindetterdi júzege asyrýǵa úlken úles qosady dep senemin», dep túıindedi sózin mınıstr. Dáýren Áskerbekuly 2011 jyldyń qazanynda Memleket basshysynyń О́kimimen Qazaqstan Respýblıkasy Prezıdentiniń Baspasóz hatshysy bolyp taǵaıyndaldy. 2013 jyldyń shildesinen Qazaqstan Respýblıkasy Prezıdentiniń keńesshisi - Qazaqstan Respýblıkasy Prezıdentiniń Baspasóz hatshysy qyzmetin atqardy. Al bıylǵy mamyrdan bastap QR Aqparat jáne kommýnıkasııalar mınıstri qyzmetine taǵaıyndaldy.