Paralımpıada: Raýshan Qoıshybaeva – kúmis júldeger!

Qazaqstan paýerlıftıngishisi Raýshan Qoıshybaeva Rıo-de-Janeıroda ótip jatqan Paralımpııalyq oıyndarda kúmis medal­dy jeńip aldy. Jerlesimiz oǵan 67 kıloǵa deıingiler arasyndaǵy talasta qol jetkizdi. Saıysta bizdiń atlet 113 kılo salmaq kóterdi. Al altyn medaldy 135 kılo salmaqpen álem rekordyn jańartqan qytaı­lyq Tan Iýıao alyp ketti. Úshinshi orynǵa egıpettik qyz Amal Mahmýd kóterildi. Raýshan Qoıshybaeva – 1966 jyly Almaty oblysynda týǵan. Ol 1990 jyly jaraqat alyp qalý nátıjesinde eki aıaǵyn tizesinen tómen kestirgen. Paýerlıftıngpen 2010 jyldan beri aınalysyp keledi. 2012 jyly «Sport sheberi», 2013 jyly «Halyqaralyq dáre­je­degi sport sheberi» ataq­taryn alǵan. Turmys qurǵan. Úsh bala tárbıelep-ósirip otyr. Osylaısha Paralımpııalyq oıyndarda Qazaqstan qorjy­nyna ekinshi kúmis medal tústi. Munyń aldynda 100 metrge er­kin júzýde tarazdyq Zúlfııa Ǵabı­dýllına jeńip alǵan bolatyn. Qazir Qazaqstan quramasy 1 altyn, 1 kúmis medalmen koman­da­lyq esepte 38-orynda tur. Al toptyń basynda 39 altyn, 30 kúmis jáne 23 qola medal jınaǵan Qytaı sportshylary keledi.