Munaı-gaz kesheni qyzmetkerleriniń merekesinde «QazMunaıGaz» ulttyq kompanııasy» aksıonerlik qoǵamynyń Táýelsizdiktiń 25 jyldyǵyna arnaǵan birinshi spartakıadasy bolyp ótti.
Sergektik pen shapshańdyqqa jeteleıtin saltanatty shara Astana qalasynyń 5 sporttyq kesheninde uıymdastyryldy. Spartakıadanyń ashylý saltanatynda sóz sóılegen «QazMunaıGaz» ulttyq kompanııasy» aksıonerlik qoǵamynyń prezıdenti (Basqarma tóraǵasy) Saýat Myńbaev jarysqa qatysýshylarǵa sáttilik tilep, sporttyq sharanyń mańyzdylyǵyna toqtaldy. «Sporttyq sharalar «QazMunaıGaz» kompanııalar toby ómirine baıaǵydan berik toqtalady. Sportpen belsendi túrde aınalysatyn QMG-nyń jıyrma myńnan astam jumysshysy arasynda joǵary deńgeıdegi sport sheberleri men sport sheberligine úmitkerler az emes. Kóptegen seriktes kompanııalarda jyl saıynǵy spartakıadalar ótkizilip júr. Mundaı korporatıvti sharalardy qoldaý – QMG basshylyǵynyń qaǵıdalyq ustanymy», – dedi ol.
Jarysqa qatysýshylar shaǵyn fýtbol, voleıbol, basketbol, júgirý, ústel tennısi, bılıard, doıby, shahmat jáne toǵyzqumalaq sııaqty sporttyń 9 túri boıynsha baq synasty. Aıtpaqshy, dúbirli dodaǵa «QazMunaıGaz» kompanııalar tobynyń 30 uıymynan 500-deı adam qatysty. Olardyń qatarynda QMG kompanııalar tobynyń «QazMunaıGaz» Barlaý О́ndirý» AQ, «QazTransOıl» AQ, «QazTransGaz» AQ, «QazMunaıGaz» óńdeý jáne marketıng» AQ, «Mańǵystaýmunaıgaz» AQ sııaqty uıymdary men derbes mekemeler boldy.
Búginde salamatty ómir saltyn nasıhattaý, sport pen dene tárbıesine adamdardy tartý, seriktes uıymdar qyzmetkerleri arasynda kommýnıkasııalyq baılanys ornatý maqsatynda «QazMunaıGaz» ulttyq kompanııasy jylyna eki márte spartakıada ótkizýdi qolǵa alyp otyr. Munyń dáleli – osy uıymdastyrylyp otyrǵan sportshylar básekesi.
Aıta keteıik, bıylǵy jyldyń naýryz jáne shilde aılarynda atalǵan ulttyq kompanııa 10 toptyń basyn biriktirip, sporttyq oıyndar jarysynyń alǵashqy kezeńin ótkizdi. Oǵan «QazMunaıGaz» barlaý-óndirýdiń bıznesi, munaı tasymaly jáne gaz marketıngi, óńdeý jáne munaı marketıngi, munaı servısi, burǵylaý jáne servıstik jobalar baǵytyndaǵy 50-deı uıymnan 2 myń 500 qyzmetker qatysyp, birinshi týrdan súrinbeı ótken komandalar spartakıadanyń ekinshi kezeńine joldama aldy. Endi mine, saqa sportshylar spartakıada tórinde sap túzep tur. Aıtpaqshy, spartakıadaǵa qatysqan sportshylar erler men áıelder bolyp bólinip, jeke jáne komandalyq quramda óner kórsetti.
Fýtbol
Spartakıadanyń alǵashqy oıyny shaǵyn fýtbolmen bastaldy. Seriktes kompanııalardan saılanyp kelgen 11 komanda jasyl alańda ádemi oıyn órnegin kórsetti. Fınaldyq oıyn «QazTransOıl» AQ pen «Atyraý munaı óńdeý zaýyty» JShS arasynda ótip, nátıjesinde 4:2 esebimen munaı tasymaldaýshylar jeńiske jetti.
Basketbol
Basketbolshylar básekesine «Qazgermunaı BK» JShS, «О́BT ǴZI» JShS, «Mańǵystaýmunaıgaz» AQ, «О́zenmunaıgaz» AQ, «Qarajanbasmunaı» AQ, «QazTransOıl» AQ, «AtyraýMО́Z» JShS syndy mekemelerden 7 komanda qatysyp, «A» jáne «B» toby boıynsha bólinip oınady.
Voleıbol
Voleıboldan erler arasyndaǵy komandalardyń oıyny tartysty ótýimen erekshelendi. Alǵashqy kúni jalpy komandalardyń 7 oıyny ǵana ótti. Birinshi kezdesýden-aq úzdik komandalar baıqaldy. Voleıbol básekesinde «QazTransOıl» sportshylary birinshi oryndy jeńip aldy.
Jeńil atletıka
Jeńil atletter jarysyndaǵy áıelder arasynda 100 metrge júgirýden «QMG BО́» komandasynan Sábına Oıratqyzy top jardy. Ekinshi orynda – «QMG-Servıs» komandasynyń múshesi Sholpan Ańsarıeva. «О́zenmunaıgaz» komandasynyń ókili Gúljan Myńjanova úshinshi orynǵa taban tiredi. Osy qashyqtyqta erler arasynda «0SC» JShS komandasynyń sportshysy Saparmurat Nurmuhanbetov birinshi oryndy jeńip alsa, «QazTransOıl» AQ-tan Dmıtrıı Býtkov ekinshi, «QazTransGaz» ókili Ǵabıden Nurqasymov úshinshi oryndardy ıelendi. Al aralas komandalar arasyndaǵy estafetadan eń úzdik komanda «QMG О́nimderi» AQ bolyp tanyldy. Bul toptyń sportshylary 54.47 sekýnd ýaqyt kórsetip, birinshi orynǵa, «QazTransOıl» AQ 55.90 sekýnd ýaqytpen ekinshi, jańaózendikter («О́zenmunaıgaz» AQ) 56.01 sekýnd nátıjemen úshinshi orynǵa jaıǵasty.
Shahmat
Taqtadaǵy taıtalas qorytyndysy boıynsha 10 múmkindikten 9,5 ball jınaǵan «QazTransOıl» komandasynyń ókili Valerıı Allaıarov erler arasyndaǵy týrnırdiń jeńimpazy atandy. Ekinshi orynǵa «QMG О́nimderi» komandasynan Ádilet Ádilbekov, úshinshi tuǵyrǵa «О́zenmunaıgaz» komandasynyń sportshysy Islambek Berjalıev jaıǵasty.
Qyzdar arasyndaǵy jarysta QMG komandasynyń múshesi Dılıara Ismadıeva 10 múmkindikten 8,32 ball jınap, aldyna jan salmady «QMG О́nimderi» komandasynan Áıgerim Alpysbaeva ekinshi, «QazTransOıl» komandasynan Aınagúl Bitishova úshinshi oryndy jeńip aldy.
Ústel tennısi
Ústel tennısinen sportshylar básekesi Nazarbaev Ýnıversıtettiń sport kesheninde uıymdastyryldy. Dodaǵa qatysýshylar bul jarysqa barynsha tyńǵylyqty daıyndyqpen kelgenderin kórsetip, bir-birin utýǵa umtylyp baqty. Sheberlikterin kórsetip, tennıstiń túrli synaǵynan ótken kánigi sportshylar sekildi saıys kórigin qyzdyrdy.
Bılıard
Spartakıadanyń taǵy bir sporttyq sharasy tastaıaq ustaǵan tarlandar arasynda ótti. Iаǵnı, bılıard básekesinde «QazTransOıl» AQ pen «Qazaqtúrikmunaı» JShS komandalary bas báıge úshin aqtyq synda talasqa tússe, úshinshi oryn úshin «О́zenmunaıgaz» AQ pen «Aqtaýnefteservıs» JShS baq synasty.
Eki kún boıy jekeleı jáne toptyq qurammen tartysqa túsken sportshylar básekesiniń sońǵy túıini qoıyldy. Jalaýyn jelbiretken spartakıadanyń jabylý saltanaty da kelip jetti.
«Tarlan-Astana» sport kesheninde sharanyń qorytyndy keshi ótti. Marapattaý sátinde «QazMunaıGaz» UK» AQ vıse-prezıdenti Serik Ábdenov sportshylarǵa belsendi ómirlik ustanymdary úshin alǵys aıtyp, jeńisti joldar tiledi.
«Jeńis bar jerde jeńilis te bar. Sizder osy spartakıada kezinde tamasha oıyn kórsetip, jeńiske jetý úshin shyn sheberlikterińizdi kórsettińizder. Barlyqtaryńyz da jaqsy sportshysyzdar. Men sizderdi Táýelsizdik merekesimen jáne Munaıshylar kúnimen quttyqtaımyn! «QazMunaıGaz» UK» AQ basshylyǵy qashanda salamatty ómir saltyn berik ustanǵan sportshylardyń basyn biriktirip, spartakıada ótkizip turýdy dástúrge aınaldyryp keledi. Kelesi jyly da osyndaı spartakıada ótkiziletin bolady. Taǵy da jeńisterińiz qutty bolsyn, sportshylar!» – dedi Serik Ábdenov.
Munan soń úzdik komandalar men sportshylardy marapattaý rásimi ótip, sońynda «QazMunaıGaz» qyzmetkerleriniń kórkemónerpazdary merekelik konsert qoıdy.
Talǵat RAIYMBEK,
«Egemen Qazaqstan»
