1993
* 13 aqpanda «Qazaqstan Respýblıkasynyń shekara áskerleri týraly» Zańy baspasózde jarııalandy.
* 14 aqpanda Elbasy Nursultan Nazarbaev Egıpet Arab Respýblıkasyna alǵashqy resmı sapary kezinde el prezıdenti Hosnı Múbárakpen kelissóz júrgizdi. Kelissóz aıaqtalǵannan keıin prezıdentter Qazaqstan Respýblıkasy men Egıpet Arab Respýblıkasy arasyndaǵy ózara qarym-qatynas negizderi týraly shartqa qol qoıdy.
Bul sapar jóninde «Egemen Qazaqstan» gazetiniń 18 aqpandaǵy nómirine «Afrıka ashsa qushaǵyn, Qazaqstan qarap qalmaıdy. Ol da yntymaqtastyq qolyn sozady» taqyrybymen maqala shyqty.
* 18 aqpanda Prezıdent Nursultan Nazarbaev AQSh-tyń Qazaqstandaǵy Tótenshe jáne ókiletti elshisi Ýılıam X. Kortnıdi onyń ótinishi boıynsha qabyldady. Dıplomat Memleket basshysyna AQSh prezıdenti Bıll Klıntonnyń jeke hatyn tabys etti. Kezdesý kezinde ıadrolyq qarýsyzdaný máselesine mán berildi.
*25 aqpanda Prezıdent Jarlyǵymen T.O.Áýbákirov Qazaqstan Respýblıkasy Mınıstrler kabıneti janyndaǵy Ulttyq aeroǵarysh agenttiginiń bas dırektory bolyp taǵaıyndaldy.
* 26 aqpanda Máskeýde Qazaqstan Prezıdenti Nursultan Nazarbaev pen Reseı basshysy Borıs Elsın bastaǵan Reseı jáne Qazaqstan memlekettik delegasııalarynyń kelissózi aıaqtaldy. Prezıdentter áskerı-óndiristik keshenniń kúsh-qýatyn paıdalanýdy úılestirýdiń maqsattylyǵy jáne ony konversııalaý týraly, «Baıqońyr» ǵarysh aılaǵyn jáne basqa polıgondardy eki el halyq sharýashylyǵynyń múddesine paıdalaný týraly ortaq pikirge keldi. Osy kúni «Qazaqstan Respýblıkasynyń Memlekettik shekarasy týraly» Zańy óz kúshine endi.
* 3 naýryzda Memleket qaramaǵynan alý jáne jekeshelendirý jónindegi 1993-1995 jyldarǵa arnalǵan ulttyq baǵdarlama talqylandy. Oblys ákimderiniń jáne mınıstrlikter men vedomstvolar basshylarynyń qatysýymen ótken keńeste Prezıdent N.Á.Nazarbaev qujattyń mańyzdylyǵy jaǵynan jaqynda qabyldanǵan Konstıtýsııadan keıingi ekinshi bederli beles bolatynyn qadap aıtty.
* 5 naýryzda Prezıdent N.Á.Nazarbaev «Memlekettik kásiporyndardy aksıonerlik qoǵamdar etip qaıta qurý jónindegi uıymdastyrý sharalary týraly» Jarlyqqa qol qoıdy.
* 20 naýryzda Prezıdent N.Á.Nazarbaev respýblıka halqyna Naýryz meıramyna oraı quttyqtaý joldady. «Kóktem shýaǵymen birge jetetin Naýryz meıramy bizdiń bárimizdiń júrekterimizge jylylyq quısyn, bir-birimizge degen dostyq kóńilimizdi araılandyryp, izgiliktiń sáýlesin tóksin», dep tilek bildirdi Elbasy.
* 25 naýryzda Respýblıka qaýipsizdik keńesiniń májilisi ótkizildi. Keńesti ashqan Prezıdent N.Á.Nazarbaev budan bylaı bul keńes konstıtýsııalyq organ bolyp tabylatyndyǵyn aıtty.
* 1 sáýirde Joǵarǵy Keńestiń sessııasynda «Qazaqstan Respýblıkasynyń memlekettik nagradalary týraly» Zań jobasy talqylandy. Pikir almasý barysynda «Halyq qaharmany» ataǵy, «Otan», «Dańq», «Parasat», «Qurmet» ordenderi, «Erligi úshin», «Eren eńbegi úshin», «Shapaǵat» medaldary qabyldandy. Jobadaǵy «Ardaqty ana» qurmetti ataǵy jáne «Ana mereıi» kúmis alqasy jóninde talas órbip, depýtat Sherhan Murtaza: «Analardyń bári ardaqty, eger ol balasyn tastap ketpese, buzyq jolǵa túspese. Orysshalaǵanda «Pochetnaıa mat» bolyp shyǵady. Dúnıe júzinde mundaı ataq qáne. Ersi estiledi», deı kelip, «Altyn alqa», «Kúmis alqa» degen ataýlardy usyndy. Qazirgi qoldanylyp júrgen zań boıynsha osy qurmetti ataqtar berilip keledi.
* 6 sáýirde Almatydaǵy Dostyq úıinde Prezıdent N.Á.Nazarbaev pen «Shevron» korporasııasynyń basqarma tóraǵasy jáne ókimshi dırektory Kennet T. Derr 40 jyl merzimge eseptelgen «Teńiz-Shevron»/«TenGızshevroıl»/ birlesken kásipornyn qurý týraly kelisimshartqa qol qoıdy.
* 8 sáýirde «Egemen Qazaqstan» gazetinde ekonomıkany turaqtandyrý jáne naryqqa kóshý kezeńine arnalǵan «Daǵdarysqa qarsy shuǵyl sharalar jáne áleýmettik-ekonomıkalyq reformalardy tereńdetý baǵdarlamasy» jarııalandy. Joǵarǵy Keńestiń toǵyzynshy sessııasynda qaralǵan bul baǵdarlamany Prezıdent N.Á.Nazarbaev bekitti.
* 9 sáýirde Túrkııa Prezıdenti Turǵyt О́zal Qazaqstanǵa resmı saparmen keldi. Túrkııa delegasııasy Qazaqstanǵa halyqaralyq ekonomıkalyq kómek berilýine baǵyttalǵan óz kúsh-jigeri týraly habardar etti.
* 10 sáýirde Túrkııa Prezıdenti Turǵyt О́zal men Qazaqstan Prezıdenti Nursultan Nazarbaev Ońtústik Qazaqstan oblysynda bolyp, Túrkistanda Qoja Ahmet Iаsaýı kesenesine taǵzym etti. Osynda Qoja Ahmet Iаsaýı atyndaǵy halyqaralyq qazaq-túrik ýnıversıtetiniń resmı ashylý saltanaty ótkizildi. Rásimde eki eldiń basshylary sóz sóıledi.
* 12 sáýirde Nursultan Nazarbaev Reseı Federasııasynyń Prezıdenti Borıs Elsınmen, Ázerbaıjan Prezıdenti Ábilfaz Elshibeımen jáne Armenııa prezıdenti Levon Ter-Petrosıanmen Taýdaǵy Karabaq tóńireginde qalyptasqan jaǵdaı jóninde telefon arqyly sóılesti.
* 15 sáýirde Prezıdent N.Nazarbaev Qazaqstan Respýblıkasynyń Vengrııa Respýblıkasyndaǵy, Belgııa Koroldigindegi, Egıpet Arab Respýblıkasyndaǵy elshilikterin ashý týraly jarlyqtarǵa qol qoıdy.
* 18 sáýirde Almatyda Búkildúnıejúzilik ekonomıkalyq forýmnyń kóshpeli sessııasy jumysyn bastady. Oǵan álemniń 30-ǵa jýyq elinen isker toptardyń bedeldi ókilderi keldi. Qazaqstan basshysy Nursultan Nazarbaev forýmda sóz sóıledi.
* 21 sáýirde kenetten qaıtys bolǵan Túrik Respýblıkasynyń prezıdenti Turǵyt О́zalmen qoshtasý rásimine qatysý úshin Ystanbulǵa kelgen Qazaqstan Prezıdenti Nursultan Nazarbaev Túrkııa Premer-mınıstri Súleımen Demırelmen, Germanııa Prezıdenti Rıhard fon Vaıszekkermen, AQSh vıse-prezıdenti Albert Gormen, Ázerbaıjan Prezıdenti Ábilfaz Elshibeımen, Armenııa Prezıdenti Levon Ter-Petrosıanmen, Grýzııa parlamentiniń Tóraǵasy Edýard Sheverdnadzemen, Iran Islam Respýblıkasynyń Syrtqy ister mınıstri Álı Ákbar Velaıatımen, AQSh-tyń burynǵy Memlekettik hatshysy Djeıms Beıkermen, basqa da laýazymdy adamdarmen qysqasha kezdesýler ótkizdi.
* 26 sáýirde Avstrııa Respýblıkasynyń Federaldyq kansleri Frans Vranıskıı resmı saparmen Almatyǵa keldi. Bul Avstrııa basshysynyń Qazaqstanǵa ekinshi sapary bolatyn. Qazaqstan Prezıdenti kezdesý barysynda elder arasyndaǵy yntymaqtastyqtyń bolashaǵyna qatysty eki jaqtyń pikirleriniń sáıkestigi arta túskendigin atap kórsetti.
