Mıllıonynshy tutynýshy marapattaldy

Keshe Ortalyq kommýnıkasııalar qyzmetinde ótken sottardaǵy jańa aqparattyq tehnologııalar jáne sot prosesine qatysýshylar arasyndaǵy elektrondy onlaın-saýaldama qorytyndysyna arnalǵan brıfıngte «Sot kabıneti» servısiniń mıllıonynshy tutynýshysy marapattaldy. Sot salasyndaǵy qujat aınalymy júıesin elektrondy úlgide júrgizý qyzmeti boıynsha Aq­mo­la oblysynyń turǵyny, advokat Natalıa Vodıanova Jo­ǵarǵy sot júr­gizetin «Sot kabı­ne­ti» servı­siniń mıllıonynshy qol­da­nýshysy retinde tirkelgen eken. Oǵan arnaıy syı-qurmet kórsetildi. Baspasóz máslıhatyna Joǵarǵy sot janyndaǵy Sottardyń qyzmetin qamtamasyz etý departamentiniń basshysy Abaı Toqsaba men Joǵar­ǵy sottyń sýdıasy Elena Mak­sıý­ta jáne Astana qalalyq advokat­tar alqasynyń advokaty Aman­jol Muhamedııarov qatysqan edi. Spı­kerlerdiń málimdeýinshe, aǵymdaǵy jyldyń 8 aıynda «Sot kabıneti» servısi arqyly 390 698 talap aryz joldanǵan. Bul saladaǵy barlyq qujat aınalymynyń 75,4%-yn qu­raıdy. Sondaı-aq, osy ýaqyt ara­lyǵynda 900 myń SMS-habarlama jóneltilgen. Osylaısha, sońǵy úsh jylda 1 mlrd teńgege jýyq bıýdjet qarajaty únemdelipti. Sonymen qatar, brıfıngte Abaı Asanuly búgingi tańda eli­miz boıynsha sot zaldarynyń aý­dıo-beınetirkeý júıesimen jaraq­tan­dyrylýy 84%-dy quraǵanyna toqtaldy. «Osy jyldyń ózinde sot oty­­rystarynyń 78%-y aýdıo-beı­ne­tirkeý júıesin qoldaný arqyly ótti», dedi ol. Al Joǵarǵy sottyń sýdıasy Ele­na Maksıýta sot prosesine qaty­sý­shylar men «Sot kabıneti» servı­si qoldanýshylary arasynda júr­gizilgen onlaın-saýaldama qory­tyndysyn tanystyrdy. Saýal­dama «100 naqty qadam» – Ult Jos­paryn iske asyrý sheńberindegi sot organdary jumysynyń negizgi ın­dıkatorlaryn aıqyndaýǵa ar­nalǵan 8 suraqtan quralǵan. Árbir kórsetkishtiń óńirler turǵysynda tereń taldanǵanyna toqtalǵan ol onlaın-saýaldamaǵa 16 445 respondent qatysqanyn aıtty. «Olardyń 77,3%-y sot satylarynyń qysqarýy sot tóreliginiń tıimdiligin artty­rady dep sanasa, 81,2%-y sot­tar­dyń ashyqtyq deńgeıine qana­ǵat­tanýshylyq bildirgen», deıdi sýdıa. Onyń aıtýynsha, saýaldama elimizdiń sot júıesi qyzmetine jurtshylyqtyń kóńili tolatynyn kórsetip otyr. Nurlybek DOSYBAI, «Egemen Qazaqstan»