Ata-analardyń teń jartysy 11 jyl boıy mektepke barmaıdy - Saǵadıev

Qazir ótip jatqan úkimet otyrysynda Qazaqstannyń Bilim jáne ǵylym mınıstri Erlan Saǵadıev balalaryna kóbirek kóńil bólýi úshin memlekettik qyzmetkerlerdi jumystan balalaryna erterek jiberý joldaryn qarastyrýdy usyndy dep habarlaıdy egemen.kz tilshisi. Onyń málimeti boıynsha, ata-analardyń elý paıyzy mektepterdegi ata-jınalysyna qatyspaıdy. "Kóbine jumysta bolǵandyqtan ata-analardyń bala tárbıesimen aınalysýǵa ýaqyty qalmaıdy. Olardyń kóbi memlekettik qyzmetkerler. Qazirgi ýaqytta ata-analar jınalysyna ata-analardyń 10-15 paıyzy ǵana qatysady" dedi Saǵadıev. Sonymen qatar mınıstr mektepterde sport seksııalarynyń jetispeıtinin aıtty. Onyń málimeti boıynsha, Qazaqstanda oqýshylardyń 27 paıyzy sport seksııalarymen qamtylǵan. Al Reseıde bul kórsetkish 83 paıyz shamasynda. Erlan Saǵadıev Qazaqstan mektepterinde sport seksııalaryn kóbirek ashý kerektigin aıtty. Jáne de mınıstr mektepterdegi qylmysty azaıtý úshin beınekameralar ornatýdyń aıtarlyqtaı oń nátıje beretinin jetkizdi. Onyń aıtýyna qaraǵanda mektepterdiń 30 paıyzyna beınekameralar ornatylǵan. Egemen-aqparat