Bireýler bizge qastandyq oılap júr deıdi Gelıos

Áleýmettik jelilerde Gelıos janarmaı quıý stansasynda avtokólikke benzınniń ornyna "aýa" quıyp jatqa beınerolık arandatýshylyq áreket dep baǵalanyp, bul óz kezeginde kompanııa ımıdjin túsirý úshin qasaqana jasaldy degen tujyrym aıtyldy. Bul týraly QazAqparat agenttiginiń saýalyna «Gelıos» kompanııasynan berilgen jaýapta keltirilgen. «Qyzmettik tekserý barysynda atalǵan janar-jaǵarmaı quıý stansasyna sol kúni kelgen klıent kassırden 85 teńgege AI-92 markaly benzınin quıýdy ótinip, óz erkimen benzın quıatyn pıstoletti alyp, kóliginiń bagine salǵan. Sonymen birge ol otyn quıatyn kezde baktan pıstoletti alyp shyǵyp jáne ony shúrippesin tómen qaraı túsirgen, al shlangini joǵarý kóterý áreketimen tehnıkalyq prosessti buzdy», -dep túsindirdi kompanııa. Sonymen qatar kompanııa ókilderi beıne rolık avtory kolonkoǵa stansanyń qyzmetkerin jaqyndatpaǵanyn jáne osy áreketimen pıstoletke zaqym keltirgenin atap ótti. «Onyń kólikke 85 teńgege benzın quıýy, sondaı-aq beıne túsirilim jasaý áreketterinde «Gelıos» kompanııasy týraly jaǵymsyz pikir qalyptastyrý boıynsha qasaqana maqsat boldy. Beıne rolıkti zertteý kezinde pıstoletti tómen túsirgen kezde eseptegishte sandar artqany, al pıstoletti kótergen kezde ólshemder men aqsha somasy azaıǵany baıqalady. Atap aıtqanda, kolonka eseptegishi baıaý qarqynmen aınalǵanyn eskere otyryp, shlangide otynnyń bar ekendigin ańǵarýǵa bolady. Alaıda kolonka pıstoletiniń shúrippesi tómen túsip turǵandyqtan, benzın syrtqa qaraı aqpady», - dep túsindirdi Gelıos.Kompanııanyń paıymynsha, beıne rolıkte sol kúni bolǵan barlyq jaıt qamtylmaǵan. «Eger de beıne túsirilimniń jalǵasy bolsa, onda kolonka avtomatty túrde óship qalǵandyǵy kóriner edi. Shynynda kolonka 400 mıllılıtr mólsherinde avtomatty túrde sónip otyrdy, bul jaǵdaı beınede kórsetilmegen. Atalǵan jaıt tehnıkalyq sıpattamamen túsindirilgen, sebebi zaqymdanǵan vtýlkamen shlangi otynǵa tolǵannan keıin kolonka jumysyn toqtatady, al júıe gaz qaıtarymy júıesiniń joqtyǵyn anyqtaıdy»,-delingen habarlamady. Kompanııa ókilderi osynyń aldynda kolonka tehnıkalyq turǵyda durys jumys istep turǵanyn, biraq ta atalǵan aqaý beıne rolık avtorynyń mehanıkalyq qate áreketterimen týyndaǵanyn alǵa tartýda. Osy sebepti «Gelıos» kompanııasy únemi kólikke otyn quıý mindetin tek stansanyń operatorlaryna júkteıdi. Tek osy jaǵdaıda ǵana kórsetilgen qyzmetteri úshin tolyq jaýapkershilikti ózderine alady. Janar-jaǵarmaı quıý stansasy klıentimen bolǵan oqıǵadan keıin tehnıkalyq mamandar kolonka jumysyn zerttegen, osy rette gaz qaıtarym júıesiniń tútikshesi isten shyqqandyǵy anyqtalǵan kórinedi. «Atalǵan zaqymdaný tek beıne rolık avtorymen pıstoletti durys paıdalanbaý sebebinen oryn alýy múmkin. Kolonka jumysynyń rejimi buzylǵandyǵy anyqtalysymen, isten shyqqan bólshekter dereý túrde aýystyryldy», - deıdi baspasóz qyzmeti. Sonymen qatar «Gelıos» kompanııasy áleýmettik jelilerde arandatýshylyq beıne rolıkten keıin jazylǵan syndarǵa alańdaýshylyq bildirip otyrǵandyǵyn jetkizdi. «Beıne túsirilim avtorynyń áreketteri kompanııanyń oń ımıdjin túsirýge baǵyttalǵany týraly pikirimizdi jetkizgimiz keledi. Biz 17 jyldan astam ýaqyttan beri tutynýshylar ıgiligine jumys istep kelemiz jáne ádil seriktestik abyroıyn qasterleımiz. Osyǵan baılanysty barlyq básekelesterimizdi bıznesti adal júrgizýge, al klıentterimizde túrli arandatýshylyqtarǵa mán bermeýge shaqyramyz», - dep atap ótilgen kompanııa habarlamasynda.