Adasýshylyqtyń aqyry – abaqty

Teris aǵym yqpalyna túsip, dástúrli Islam dinin mansuq etken petropavldyq turǵynnyń qoǵamymyzǵa jat is-áreketteri ózgelerge, ásirese, jastarymyzǵa sabaq bolsa ıgi Aı-kúnniń amanynda adam­dy túlen túrteıin, shaıtan azǵy­raıyn dese, ońaı eken. Musa 2012 jyly tamyzda Sham eline baryp, el ishin alataıdaı búldi­rip, qandy qaqtyǵystarǵa ıter­me­lep júrgen halyqaralyq sodyr­­lar qatarynda «qarýly djıhadqa» qatysý arqyly «din­siz­derge» toıtarys berýdi kóz­deıdi. Oıyn júzege asyrý maq­satymen Almatyda turatyn Nasırýlla degen tanysyna joly­ǵyp, qarjylyq jaǵynan kó­mek­tesý­di ótinedi. Dástúrli emes aǵym­dardyń ıdeıalyq jaqtas­taryn óz qataryna tartý úshin túrli aıla-sharǵylar qoldana­tynyn, qarjylyq qyzyqty­rýshy­­lyqqa erekshe mán beretinin eskersek, bul kezdesý josparly túr­de oılastyrylǵan tárizdi. Anaý da munyń kelýin, osy sózin kútip turǵandaı, birden elp ete qalady. Osy arada Nasırýl­lanyń deldaldyq qyzmet at­qarýyna qandaı ishki-syrtqy kúsh­ter yqpal jasap otyr degen suraq týady. Ár-ár jerlerde osyn­daı jaldamaly agentter men júıe­lerdiń jumys isteýi ábden múm­kin ǵoı. Ekeýin Ystanbulda Abý­sara esimdi beıtanys jannyń qarsy alýy da kóńildegi kóp kúdikti qoıýlata túsedi. Bulaı deýi­mizdiń syry, olardy jatyn orynǵa jaıǵastyrý, qarjylaı járdemdesý, taǵy basqa sharýa­lardy sózge kelmesten tap-tuı­naq­taı tyndyryp beredi. Endi bularǵa kóldeneń kók atty­daı Abý Aısha degen aza­mat qosy­lyp, jol-jónekeı qatar­lary kóbeıip otyrady. Túrkııa-Sırııa shekarasynda jer­gilikti tur­ǵynnyń bastaýymen oppo­zısı­ıa­lyq kúshter ornalasqan Atma eldi mekenine jetedi. Bul jortýyl da kúniburyn belgilengen shara desek, qısynǵa keledi. Osy jerde áskerı jáne fızıkalyq daıyndyqtan ótip, qarý-jaraq túrlerin paıdalaný ádisterin meńgeredi. Eki aptadan keıin Bab-ál-Hava beketinde shoǵyrlanǵan halyqaralyq sodyrlar uıymyna qosylady. Olardyń djıhad» ıdeologııasyn basty uran etip us­taıtyndary, Qazaqstanda terror­­lyq uıym retinde jarııa­la­nyp, qyzmetterine tyıym sa­lyn­­ǵandary tipti de oılan­dyr­­maı­dy. Kerisinshe, «Al-Kaı­da­nyń» soıylyn soǵatyn «Djeısh-ál-Mýhadjırın-vál-An­sar» degen toptyń qura­my­na enedi. Onyń sapynda Sırııa­nyń úkimettik áskerine, beıbit tur­ǵyndarǵa qarsy opera­sııa­larǵa, lańkestik uıymdar qadaǵalaıtyn aımaqtyń shekarasyn kúzetýge qatysady. Musa 2012 jyldyń jeltoqsan aıyna deıin lańkes­­ter­ge qyzmet etip, sosyn jeke ómiri­­niń qaýipsizdigin saqtaý maq­saty­men Ystanbulǵa oralady. Osyn­da túpkilikti qalýǵa bel baı­laǵa­nymen, Túrik Respýblıka­synyń kóshi-qon týraly zańyn buzdy degen aıyp taǵylyp, 2016 jyly Qazaqstanǵa deporta­sııalanady. Musanyń advokaty oǵan eshqandaı shań jýytpaı qansha qorǵashtasa da, «dálelderi» esh qısynǵa janaspaıtynyna, teris aǵymdaǵy qarýly jasaq qura­myn­da «dinsizderge» qarsy soǵysýdy kúniburyn oılastyrǵanyna, Túr­kııany qonystanýy ánsheıin syltaý ekenine sotta bultart­pas aıǵaqtar keltirildi. Osylaı­sha, Sot úkimimen Musa Qazaqstan Res­­pýblıkasy Qylmystyq kodeksiniń 233-baby boıynsha aıy­p­ty dep tanylyp, 7 jyl ómi­rin temir tordyń arǵy jaǵyn­da ótkizetin boldy. О́mir ESQALI, «Egemen Qazaqstan» Soltústik Qazaqstan oblysy