Partııalyq baqylaýdyń pármendiligi

uıym músheleri arasyndaǵy tártipti nyǵaıtady «Nur Otan» partııasy Ortalyq apparaty Partııalyq baqylaý departamentiniń qyzmetkerleri jumys josparyna sáıkes, partııanyń Aqmola oblystyq fılıalynyń jáne Býrabaı men Kókshetaý aýmaqtyq fılıaldarynyń ishki partııalyq tártipti nyǵaıtý máselelerine qatysty qyzmetine tekserý júrgizdi. Osy jyldyń tamyz aıyna deıingi málimetter boıynsha, óńirde «Nur Otan» partııasyna músheler qatary 44325 adamǵa jetken. Bul ótken jylǵydan 25 paıyzǵa kóp. Iаǵnı, bir jyl ishinde «Nur Otandy» qalap, senim artqandar sany 8 938 adamǵa artyp otyr. Partııanyń oblystyq fılıaly partııalyq baqylaý komıssııasynyń quramyna erejede kórsetilgen mekemeler men qoǵamdyq jáne úkimettik emes uıymdardyń ókilderi engizilgen. Oblystyq komıssııa bıylǵy jyldyń birinshi jartysynda eki otyrys, al aýmaqtyq komıssııalar 45 otyrys ótkizipti. Otyrystarda negizinen Qazaqstan Prezıdenti, partııa Tóraǵasy N.Á.Nazarbaevtyń Qazaqstan halqyna Joldaýy, sondaı-aq, partııa músheleriniń jarǵy talaptaryn oryndaý, partııalyq tártipti saqtaý máseleleri talqylanǵan. Partııalyq baqylaý komıssııasynyń joǵaryda atalǵan eki otyrysynda 10 másele talqylanyp, soǵan baılanysty 10 sheshim qabyldanǵan jáne 57 usynym berilgen. Qaralǵan jáne talqylanǵan máselelerge toqtalatyn bolsaq, onda óńirdegi ózekti ári ótkir problemalar sóz bolǵany baıqalady. Olardyń ishinde otyrysqa qatysýshylardyń, ásirese, partııalyq tártipti buzý faktilerine basa nazar aýdarǵany kórinip tur. Bıylǵy jyldyń birinshi jartysynda toǵyz partııa múshesiniń partııalyq jaýapkershilikke tartylyp, bir nurotandyqtyń partııa qatarynan shyǵarylýy soǵan mysal bolyp turǵandaı. Búginde bılik partııasy óz músheleriniń partııalyq tártipti qatań saqtaýlaryna erekshe mańyz berýde. Sebebi, ádep kodeksin buzyp, tártipsizdikke jol bergen partııa múshesi partııanyń atyna nuqsan keltiredi. Tekserý nátıjesi kórsetkendeı, Aqmola óńirinde jaǵymsyz áreketterge boı aldyryp, tártiptik jaýapkershilikke tartylǵan «Nur Otannyń» músheleri de kezdesetini ókinishti. Mysaly, Selınograd aýmaqtyq partııa fılıalynda – 5, Aqkólde – 3, Jarqaıyń aýmaqtyq fılıalynda 1 partııa múshesi partııalyq jaýapkershilikke tartylypty. Partııa músheleriniń arasynda jemqorlyqqa salynyp, isti bolǵandar da bar eken. Olardyń qatary bireý emes, birnesheý ekendigi oılantady. Retine qaraı aıtatyn bolsaq, osy jyldyń 10 naýryzynda Aqmola oblysy boıynsha jemqorlyqqa qarsy is-qımyl ulttyq bıýrosy departamentiniń qyzmetkerleri I.Temirbaevty ustady. Ol aldyn ala sóz baılasý arqyly, balabaqshany tekserý barysynda anyqtalǵan burmalaýshylyqty aktide kórsetpeý úshin jeke tulǵadan 800 myń teńge para alǵan. Qazirgi kezde oǵan qatysty sotqa deıingi tergeý amaldary júrgizilip jatyr. Sondaı-aq, 2016 jyldyń 25 naýryzynda Aqmola oblysynyń Eńbekshilder aýdandyq soty osy aýdannyń mádenıet jáne tilderdi damytý bóliminiń basshysy E.Esimseıitovke qatysty ákimshilik isti qarady. 2003 jyldyń ortasynan beri «Nur Otan» partııasynyń múshesi ózine baǵynysty tulǵanyń jemqorlyq áreketine baılanysty oǵan tıisti shara qoldanbaǵan jáne quqyq qorǵaý organdaryna habarlamaǵan. Sottyń qaýlysymen E.Esimseıitovke ákimshilik jaza retinde 100 aılyq eseptik kórsetkish kóleminde aıyppul salyndy jáne ol partııa músheliginen shyǵaryldy. О́tken jyldyń 19 qazanynda partııanyń Saıası keńesi «Nur Otan» partııasy músheleriniń ádep kodeksin qabyldaǵan edi. О́ńirdegi barlyq 344 bastaýysh partııa uıymdarynda kodeks­te kórsetilgen máselelerdi túsindirýge jáne partııalyq tártipti saqtaýǵa baılanysty is-sharalar ótkizildi. Aýmaqtyq jáne jergilikti atqarýshy organdardyń qyzmetinde kezdesip qalatyn jemqorlyq faktileri de talqylandy. Osy sharalarǵa 25 myńnan asatyn nurotandyq qatysty. Partııa músheleri arasynda partııa jarǵysy men ádep kodeksi normalaryn túsindirý jumystary turaqty júrgizilip turady. Qajetti aqparattardy partııa músheleri ǵana emes, kez kelgen adamnyń alýyna jaǵdaı jasalǵan. Jalpylaı alǵanda, 2016 jyldyń ótken segiz aıynda oblys aýmaǵynda jemqorlyq sıpatyndaǵy 124 qylmystyq quqyq buzýshylyq tirkelipti. Bul máselede Kókshetaý qalasy, Selınograd, Eńbekshilder, Býrabaı, Zerendi aýdandary men Stepnogor qalasy aldyńǵy orynda tur. Keıde quqyq tártibin buzýshylyq «Nur Otan» partııasy músheleriniń arasynda da kezdesetini belgili. Mysaly, Jarqaıyń aýdanyndaǵy Otradnoe aýyldyq okrýginiń ákimi M.Muqanov osyndaı áreketteri úshin partııa qatarynan shyǵaryldy. Biz muny ózgelerge sabaq bolsyn degen nıetpen ádeıi keltirip otyrmyz. О́ńirlik jáne aýmaqtyq partııalyq baqylaý komıssııalarynyń músheleri jeke jáne zańdy tulǵalardyń jemqorlyqpen kúreske, sondaı-aq partııalyq tártipti saqtaýǵa qatysty túsken ótinishteri men shaǵymdaryn óz mezgilinde qarap, tıisti usynystar jasap otyrady. Bıylǵy jyldyń birinshi jartysynda fılıaldyń partııalyq baqylaý komıssııasyna toǵyz jazbasha ótinish túsken. Onyń tórteýi partııanyń Ortalyq apparatyna joldanǵan ótinish-hat. Partııalyq baqylaý komıssııasy músheleriniń belsendilikpen júzege asyratyn taǵy bir jumysy – azamattardy qabyldaý. Esepti kezeń ishinde komıssııa músheleri 15 ret azamattardy qabyldaý isin ótkizgen. Onda ártúrli máselelerdi qamtıtyn 39 ótinish-shaǵym qarastyrylypty. Al aýmaqtyq komıssııalar 158 másele boıynsha 100-den asatyn qabyldaýdy júzege asyrdy. Komıssııa, sondaı-aq, múddeli memlekettik organdardyń jáne qoǵamdastyqtyń qatysýymen partııa baǵdarlamalarynyń oryndalýyn tekserý maqsatynda jergilikti jerlerge reıdpen jıi shyǵyp turady. Jyldyń alǵashqy jartysynda osyndaı 22 reıd ótkizildi. Partııanyń Aqmola oblystyq jáne aýmaqtyq fılıaldary tarapynan júzege asyrylǵan is-sharalar – semınarlar men dóńgelek ústelder, ózge de jıyndar barshylyq. Olardyń barlyǵy Elbasymyz N.Á.Nazarbaevtyń «Nurly jol – bolashaqqa bastar jol» Joldaýyn, basqa da baǵdarlamalyq qujattaryn iske asyrýǵa baǵyttalǵan. Álısultan QULANBAI, «Egemen Qazaqstan»