Alǵa, arlandar!

Kásipqoı bokstan Búkilálemdik serııa boıynsha ótip jatqan jarystar aıaqtalýǵa jaqyndap keledi. Jýyrda Azııa, Eýropa jáne Ame­rıka qurlyqtary boıynsha úsh topqa bólingen 12 komanda óz­deriniń kezekti jekpe-jekterin ót­kizdi. Sonyń ishinde Azııa to­byn­da elimizdiń namysyn qorǵap jatqan «Astana arlans» («Astana ar­lan­dary») komandasy ótken sen­bi kúni toptyń favorıti Ázir­baıjannyń «Baku fires» («Baký alaýlary») boks­shylarymen kezdesip, 5:0 esebimen jeńdi. Bul eki jaqtyń tór­tinshi ret kezdesýi boldy. Munyń aldynda ótken úsh jekpe-jektiń bárinde «arlandar» qarsylas­ta­ry­nan jeńilgen bolatyn. Sol kezderi bolǵan aıqastarda astanalyqtar al­dymen 1:4, odan keıin qatarynan 2:3 esebimen jeńilgeni esimizde. Osy keshte «Astana arlan­dary» sapynda Mirjan Raqym­janov (54 kg.), Erjan Músápirov (61 kg.), Qanat Silám (73 kg.), Ramjon Ahmedov (85 kg.), Rýslan Myrsataev (91 kg.-den joǵary) qarsylastaryn aıqyn basym­dy­lyq­pen utty. Endi 18 naýryz kúni «arlandar» syrt alańda Ońtústik Koreıanyń «Poseidons Pohang» nemese «Qyzyl qanattylarymen» qol­ǵap túıistiredi. Bul «arlan­dardyń» toptyq kezdesýdegi eń soń­ǵy jekpe-jegi bolady. Osy­dan keıin olar Eýropa jáne Amerıka tobynda birinshi oryn al­ǵan komandamen kúsh synasady. Qazir ótken jyldyń qarasha aıynan bastalǵan týrnırde  birinshi oryndy 9 jeńis, 2 jeńilis, 28 upaıy bar «Baký alaýlary» ıelenip otyr­sa, odan keıingi orynda 8 jeńis, 3 jeńilis, 26 upaıdy enshilegen «Astana arlandary» keledi. Biraq bul kórsetkishke qarap «Baký alaýlarynyń» qarqyny bizden ál­de­qaıda kúshti dep aıta almaımyz. Osy eki komandanyń arasyndaǵy myq­ty boksshylardy jarystyń jar­tylaı fınaldyq kezdesýleri anyqtaıdy. Bul jekpe-jekter 6-7 mamyr kúnderi Qytaıdyń Gýııan qalasynda ótetin basqosýda belgili bolady. Osy kúnderi Eýropa to­bynda eshkimge des bermeı kele jat­qan «Paris united», Amerıka to­bynda AQSh-tyń «Los Angeles matadors» pen Meksıkanyń «Mexi­co city guerrerors» komandalarynyń bireýi, Azııadan «Baku fires» ujy­my jáne «Astana arlans» boksshy­lary­nyń kúsh synasýǵa múmkindigi kóp. Al Eýropa tobynda bizdiń «arlandarmen» úzeńgi qaǵystyryp kel­gen Italııanyń «Milano thun­ders» komandasy jartylaı fınalǵa joldama alý múmkindiginen aıy­ryl­dy dese bolady. Bul komanda «Parıj ıýnaıned» boksshylary­men ótkizgen sońǵy kezdesýinde jeńilis tapty. Sóıtip, ár toptan birinshi or-     yndy alǵan úsh komanda jáne ekinshi oryndy alyp, eń kóp upaı ıelengen ujym 6-7 mamyr kún­deri jartylaı fınalǵa shy­ǵyp, sol jerde bas júldeni sa­rapqa sala­dy. Fınaldyq aıqasta jeń­gen ko­man­daǵa 500 myń dol­lar kóle­min­de syıaqy tabys etiledi. Al fı­nalǵa shyqqanǵa 150 myń dollar beriledi. Jar­tylaı fınalda aı­qas­qan koman­dalarǵa 50 myń dollardan tara­ty­lady. Odan keıin 27-28 mamyr kúnderi jekelegen salmaq dáre­jeleri bo­ıyn­sha kezdesýler óte­di. Mun­da ár salmaqta top jar­ǵan boksshy­ǵa 20 myń AQSh dol­larymen qo­sa, 2012 jyl­ǵy London Olım­pıadasyna jol­dama beriledi. Je­ńilgen boks­shyǵa 10 myń dollar tabys etiledi. Dastan KENJALIN.