Qazaqstan Respýblıkasy Aýyl sharýashylyǵy mınıstrliginiń buıryǵy №11-2/13

2010 jylǵy 17 qańtar №11-2/13 Astana qalasy Bıootyn óndirisiniń kólemi týraly aqparattyń avtomattandyrylǵan túrde berilýin qamtamasyz etetin eseptegish baqylaý aspaptaryn qoldaný qaǵıdasyn bekitý týraly «Bıootyn óndirisin jáne aınalymyn memlekettik retteý týraly» Qazaqstan Respýblıkasynyń 2010 jylǵy 15 qarashadaǵy Zańynyń 6-baby 11) tarmaqshasyn iske asyrý maqsatynda, buıyramyn: 1. Qosa berilip otyrǵan Bıootyn óndirisiniń kólemi týraly aqparattyń avtomattandyrylǵan túrde berilýin qamtamasyz etetin eseptegish baqylaý aspaptaryn qoldaný qaǵıdasy bekitilsin. 2. Qaıta óńdeý ónerkásibin jáne agrarlyq azyq-túlik naryǵyn damytý departamenti osy buıryqtyń Qazaqstan Respýblıkasynyń Ádilet mınıstrliginde zańnamada belgilengen tártippen memlekettik tirkelýin jáne onyń buqaralyq aqparat quraldarynda resmı jarııalanýyn qamtamasyz etsin. 3. Osy buıryq alǵash ret resmı jarııalanǵan kúninen bastap on kúntizbelik kún ótken soń qoldanysqa engiziledi. Mınıstr A.KÚRIShBAEV. Qazaqstan Respýblıkasy Aýyl sharýashylyǵy mınıstriniń 2011 jylǵy 17 qańtardaǵy №11-2/13 buıryǵymen bekitilgen Bıootyn óndirisiniń kólemi týraly aqparattyń avtomattandyrylǵan túrde berilýin qamtamasyz etetin eseptegish baqylaý aspaptaryn qoldaný qaǵıdasy 1. Jalpy erejeler 1. Osy Bıootyn óndirisiniń kólemi týraly aq­pa­rattyń avtomattandyrylǵan túrde berilýin qamtamasyz etetin eseptegish baqylaý aspaptaryn qoldaný qaǵıdasy «Bıootyn óndirisin jáne aınalymyn memlekettik retteý týraly» Qazaqstan Respýblıkasynyń 2010 jylǵy 15 qarashadaǵy Zańynyń 6-baby 11) tarmaqshasyna sáıkes, sondaı-aq, bıootyn óndirisin baqylaýdy júzege asyrý maqsatynda ázirlendi. 2. Bıootyndy onyń óndirisi kezinde avtomat­tan­dyrylǵan túrde esepteýdiń maqsaty aqparatty bıootyn óndirisi boıynsha ýákiletti organǵa keıinnen bere otyryp, óndirilgen bıootyn kólemin úzdiksiz ólsheý jáne baqylaý esebi bolyp tabylady. 3. Bıootyn óndirisine bıootyn óndirisi salasyndaǵy ýákiletti organǵa (budan ári – ýákiletti organ) aqparattyń avtomattandyrylǵan túrde berilýin qamtamasyz etetin eseptegish baqylaý aspaptary (budan ári – eseptegish aspaptar) bolǵan kezde ruqsat etiledi. 4. Eseptegish aspaptar retinde bıootyn óndirisiniń kólemderi týraly aqparatty úzdiksiz ólsheýdi jáne qa­shyqtyqtan berýdi, óńdeýdi, saqtaýdy jáne berýdi (ın­dıkasııany) júrgizetin arnaıy aspaptar qoldanylady. 2. Eseptegish aspaptardy qoldaný tártibi 5. Eseptegish aspaptardy ornatýdy bıootyn óndirisi boıynsha tehnologııalyq jelilerde bıootyn óndirý­shiler júzege asyrady. Eseptegish aspaptardy ornatý kezinde tehnıkalyq retteý salasyndaǵy ýákiletti organnyń mynadaı talaptary oryndalady: 1) eseptegish aspaptar túrin bekitý maqsatynda synaý rásiminen nemese metrologııalyq attestattaýdan ótti jáne onyń túri Qazaqstan Respýblıkasy ólshem birligin qamtamasyz etýdiń memlekettik júıesiniń tiziliminde tirkeldi; 2) eseptegish aspaptar «О́lsheý birlikterin qamta­masyz etý týraly» Qazaqstan Respýblıkasynyń 2000 jylǵy 7 maýsymdaǵy Zańyna sáıkes tekserildi. 6. Bıootyn óndirýshiler ýákiletti organǵa bıootyn óndirisiniń kólemi týraly aqparattyń úzdiksiz avtomattandyrylǵan túrde berilýin qamtamasyz etedi. 7. Eseptegish aspaptardan alynǵan aqparat ýákiletti organnyń bıootyn óndirisiniń biryńǵaı elektrondy derekter qoryna engiziledi. 8. Eseptegish aspaptary bolmaǵan jáne (nemese) aqaýly bolǵan jaǵdaıda bıootyn óndirisi júzege asyrylmaıdy. Eseptegish aspaptar jumysynda aqaýlar anyqtalǵan jaǵdaıda bıootyn óndirýshi aqaýlyǵyn tapqan kúni ýákiletti organǵa (onyń aýmaqtyq bólimshesine) tıisti jazbasha málimdeme jiberedi. 3. Eseptegish aspaptarǵa qoıylatyn negizgi talaptar 1. Eseptegish aspaptar mynadaı negizgi talaptarǵa jaýap beredi: 1) eseptegish aspaptardyń kólemdik shyǵystardy ólsheýishiniń bastapqy túrlendirgishi ólsheý ýaqytynda árqashan barlyq qımasy boıynsha tolyp turatyn, qubyrjoldyń kólbeý ýchaskesine ornatylady. Eseptegish aspaptardyń kıistirmesi men daıyn bıootynnyń shyǵarýyn júzege asyratyn jalǵastyrýshy kıistirme arasyna qubyrjoldyń aralyq kıistirmeli jáne basqa da ajyrtaqyshtaryn ornatýǵa jol berilmeıdi; 2) qubyrjoldyń kólbeý ýchaskesinde ólsheý kezinde eseptegish aspaptardyń kólemdik shyǵystardy ól­sheýi­shiniń jol beriletin aqaýlyǵy ± 0,5 paıyzdy quraıdy; 3) qysymdy rezervýardy eseptegish aspaptardyń kólemdik shyǵystardy ólsheýishimen jalǵastyratyn qubyrjoldyń ýchaskesinde aýa shyǵaratyn torap bolýy múmkin; 4) eseptegish aspaptar jumysynyń temperatýralyq rejımi 0-den plıýs 40 gradýs Selsııaǵa deıin quraıdy; 5) zerdeniń syıymdylyǵy óspeli kórsetkishpen bolady; 6) eseptegish aspaptar jumysynda kidirister bolǵan jaǵdaıda sondaı-aq, olardy aýystyrý kezinde, barlyq jınalǵan aqparattyń saqtalýyn qamtamasyz etedi; 7) ruqsatsyz qol jetkizýden qorǵaıtyn qaýipsizdik júıesiniń bar bolýy (kod, kilt, plomba, golografııalyq japsyrma); 8) kidiristerden jáne syrtqy áserlerden qorǵaýly bolýy (kerneýdi qaıtarǵysh, úzdiksiz qorektendirý kózi), al apatty kidirister jaǵdaıynda elektrmen jabdyq­taýdaǵy avtonomdy jumys isteý uzaqtyǵy 3 táýlikten kem emes; 9) eseptegish aspaptarda tehnıkalyq pasport, paıdalaný jónindegi nusqaýlyq jáne sáıkestik sertıfıkaty bolady. 10. Kólemdik shyǵys ólshegish (kıistirme jalǵamalar) ornatylǵan oryndy, aqparatty óńdeý blogynyń qal­qanyn ruqsatsyz qol jetkizýdi boldyrmaý úshin ýáki­letti organ qyzmetkeri (onyń aýmaqtyq bólimshesiniń ókili) plombylaıdy. –––––––––––––––––– Buıryq Qazaqstan Respýblıkasynyń Ádilet mınıstrliginde 2011 jylǵy 1 aqpanda Normatıvtik quqyqtyq kesimderdi memlekettik tirkeýdiń tizilimine №6760 bolyp engizildi.