7 qańtarǵa arnalǵan aýa raıy

Atmosferalyq aǵymdardyń ótýine baılanysty senbi kúni aýa raıy turaqsyz bolady. Keı jerlerda qar jaýyp, eldiń ońtústiginde, ońtústik-shyǵysynda, shyǵysta jáne ońtústik batysta qar jaýmaıdy. Keı jerlerde tuman túsip, kóktaıǵaq bolyp, burqasyndatyp jel kúsheıedi, dep habarlaıdy «Qazgıdromet» RMK. Soltústik Qazaqstan oblysynyń keı jerlerinde burqasyn bolyp, tuman túsedi, jel sekýndyna 15-20 metrge deıin kúsheıedi. Kúndiz eldiń basym bóliginde jeldiń ekpini sekýndyna 15-20 metr bolady. Keıde 23 metrge deıin barady. Qostanaı oblysynyń birqatar aımaqtarynda burqasyn bolyp, tuman túsip, kóktaıǵaq bolady. Jeldiń kúshi sekýndyna 15-20 metrge jetedi. Batys Qazaqstan oblysynyń keı jerlerinde tuman túsip, kóktaıǵaq bolyp, jel sekýndyna 15-20 metr jyldamdyqpen soǵady. Qyzylorda, Atyraý oblystarynda tuman túsip, kóktaıǵaq bolyp, kúndiz jeldiń kúshi 15-20 metr/sekýnd bolady. Jambyl, Aqtóbe oblystarynyń birqatar aımaqtarynda tuman túsip, jeldiń kúshi sekýndyna 15-20 metrge jetedi. Pavlodar, Ońtústik Qazaqstan oblystarynyń aımaqtarynda tuman túsip, kúndiz jeldiń ekpini sekýndyna 15-20 metr bolady. Qaraǵandy, Almaty oblystarynda keı jerlerde tuman túsedi. Mańǵystaý oblysynda keı jerlerde jeldiń ekpini sekýndyna 15-20 metrge deıin jetedi jáne qumdy boran bolady. Shyǵys Qazaqstan oblysynda keı jerlerde tuman túsip, qalada kóktaıǵaq bolady.