Saıası naýqan barysymen tanystyrdy

16 naýryzda Ortalyq saılaý komıssııasynyń tóraǵasy Qýandyq Tur­ǵanqulov qazaqstandyq jáne sheteldik buqaralyq aqparat quraldarynyń ókil­derimen brıfıng ótkizip, Qazaqstan Respýblıkasynyń kezekten tys prezı­denttik saılaýyn ótkizýge daıyndyq barysymen tanystyrdy. OSK tóraǵasynyń habardar etkenindeı, saılaýshylar tizimin jasaý – saılaý komıssııalarynyń mańyzdy mindetteri­niń biri. Bul shara jyl boıy júrgiziledi. Jyl ortasynda jáne jyl sońynda jergilikti atqarýshy organdardan saılaý­shy­lar­dyń tizimderi alynǵan. Saılaý kúni taǵaıyndalǵan soń, saılaýshylardyń tizimin naqtylaý boıynsha jumystar júr­gizildi. Búginde elimizde kóshi-qon úde­ris­teri belsendi júrip jatyr. Astana men Alma­tyda jańa úıler salynýda. Sondyq­tan saılaýshylar tizimin jasaýǵa basa nazar aýdarylyp otyr. 13 naýryzda jergilikti atqarýshy organdar caılaý­shylar tizimderin saılaý komıs­sııalaryna jolda­dy. Osyǵan baılanysty elimizdiń árbir turǵyny 18 naýryzdan bastap saılaý­shy­lar tizimimen tanysa alady. Ortalyq saılaý komıssııasynyń bas­shy­sy 19 naýryzda elimizdiń barlyq óńir­lerinde saılaýdy uıymdastyrýshylarmen semınar-keńester ótkizý sharalary aıaqta­latynyna da toqtaldy. Osyǵan deıin OSK Astanada respýblıkalyq semınar-keńes uıymdastyrdy, dedi ol osy týraly. Mundaı semınarlar 19 naýryzǵa deıin elimizdiń barlyq aımaqtarynda ótkiziledi. Bul jıyndarǵa Ortalyq saılaý komıs­sııasynyń músheleri men OSK ortalyq apparatynyń qyzmetkerleri qatysýda. Bú­ginde aýmaqtyq saılaý komıssııa­larynyń májilisteri daýys berý kúnine ázirlik sharalaryna baılanysty ótip jatyr. Al 18 naýryzda biz Astana qa­lalyq saılaý ko­mıssııasynyń saılaý kúnine daıyndyǵyn tyńdaımyz. Bul sha­ralarǵa jergilikti at­qarýshy organdar men ishki ister organ­dary­nyń qyzmet­kerleri de qatysýda. Qýandyq Turǵanqulov, sondaı-aq prezıdenttikke kandıdattardyń BAQ-tarda úgit materıaldaryn jarııalaýda zańnama talaptary saqtalyp otyrǵanyn atap ótti. Onyń aıtýynsha, Ortalyq saılaý komıs­sııasy prezıdenttikke kandıdattardyń mate­rıal­darynyń buqaralyq aqparat qu­raldarynda jarııalanýyna monıtorıng júr­gizip otyr. Kandıdattardyń elektron­dy aqparat quraldary men baspasóz betterindegi materıaldary merzimi men kólemi boıynsha birdeı jarııalanyp keledi. Ortalyq saılaý komıssııasy aýmaqtyq jáne ýchaskelik saılaý komıssııalary úshin aqparattyq-ádistemelik jáne baǵyt-baǵdar beretin materıaldardy daıyndaý isin tolyq aıaqtady. Prezıdenttikke kandıdattan bastap, senim bildirilgen adamdarǵa deıin bilýleri tıis 30-ǵa jýyq kitapsha men 8-den astam plakat daıyndady. Buǵan qosa taǵy 23 rolık shyǵarǵan. Sonymen qatar, birqatar BAQ Ortalyq saılaý komıssııa­syna arnaıy bet arnap otyr. Onda tú­sin­dirý, aqparattandyrýǵa qatysty máli­metter men saılaý barysyna baılanysty ózge de aqparattar jarııalanýda. OSK tóraǵasy prezıdenttikten úmit­kerler Mels Eleýsizov pen Ǵanı Qa­symovtyń úgit bılbordtaryn ornalastyrý jaıynda Ortalyq saılaý komıssııasynan kómek suraǵanynan da habardar etti. Prezıdenttikke kandıdattar M.Eleýsizov pen Ǵ.Qasymov Ortalyq saılaý komıssııasynan Almaty men Astana qalalarynda jáne elimizdiń birqatar oblys ortalyqtarynda ózderiniń saılaýaldy úgit jumystaryn júrgizý úshin syrtqy jarnama men bılbordtar ornalastyrýǵa kómek kórsetýdi surady, dedi OSK basshysy. Alaıda, osy sharany júzege asyrýshy mekemeler bul jumysty birshama uzaqqa sozyp jiberdi. Astana men Almatyda jáne birqatar oblys ortalyqtarynda bul kandıdattardyń jańa bılbordtary men jarnamalary orna­las­ty­rylatyn bolady. Q.Turǵanqulov brıfıng barysynda OSK-ǵa túsken aryz-shaǵymdarǵa da toq­taldy. Onyń keltirgen málimetteri boı­ynsha, osydan úsh kún (16 naýryz) buryn «Laıyqty turǵyn úı» qoǵamdyq uıy­mynan 136 ótinish túsken. Bul ótinishter – Ortalyq saılaý komıssııasynyń qu­zyryna jatpaıtyn máseleler. О́tinishter bank pen qurylys mekemeleriniń jáne jeke tul­ǵalar arasyndaǵy daýǵa baı­la­nysty. О́ti­nish berýshi 136 adam ózderiniń máseleleri sheshilmese, daýys berýge kelmeıtindikterin aıtqan. Al OSK basshy­lary bul aza­mattarǵa ózderiniń quqyq­taryn ózderi shek­tep otyrǵandyqtaryn jetkizgen. Álısultan QULANBAI.