8 qańtarǵa arnalǵan aýa raıy

Búgin respýblıkanyń basym bóliginde aýa raıy jaýyn-shashynsyz bolady, atmosferalyq frontaldy bólikterdiń ótýimen eldiń soltústiginde turaqsyz kún raıy kútiledi, qar jaýady. Keı jerlerde tuman, kóktaıǵaq, burqasyn bolyp, jel kúsheıedi, dep habarlaıdy «Qazgıdromet». Soltústik Qazaqstan oblysynyń keı jerlerinde burqasyn, tuman bolyp, 15-20 m/s-pen soqqan jeldiń ekpini keı jerlerde 23 m/s-qa jetedi. Aqmola, Qostanaı oblystarynyń keı jerlerinde burqasyn, tuman, kóktaıǵaq kútiledi, jeldiń jyldamdyǵy - 15-20 m/s. Jambyl, Ońtústik Qazaqstan, Atyraý, Aqtóbe oblystarynyń jekelegen jerlerinde tuman kútiledi, jel 15-20 m/s kúsheıedi, Atyraý oblysynyń keı aýmaqtarynda kóktaıǵaq baıqalady. Almaty oblysynyń Jalańashkól aýdanynda jeldiń kúshi 18-23 m/s-qa artady, túnde keı jerlerinde tuman bolady. Mańǵystaý, Pavlodar, Batys Qazaqstan oblystarynyń keı jerlerinde jel 15-20 m/s kúsheıedi, Pavlodar oblysynda jaıaý burqasyn baıqalady. Qyzylorda, Qaraǵańdy, Shyǵys Qazaqstan oblystarynyń keı bólikterinde tuman kútiledi.