Qoltyraýyn kórem deseńiz, «Teremokqa» kelińiz

«Teremok» dep ata­ǵan haıýanattar parki Qos­ta­naı qalasynyń naq ortasy­nan oryn aldy. Onda qol­tyraýyn, qoıan, enot, aı­dahar jylan, shınshılla, tıin, úki,teńiz janýarlary qurbaqa, tasbaqa  bolyp jalǵasa beredi. Qolty­raýyn, ýly jylandar jyr­t­­­qyshtyǵymen, teńiz ja­ný­arlary sırektigimen kelý­shilerdi qyzyqtyrady. Kóp es­tigennen tirideı bir kór­­­gen­ge ne jetsin.  Ázir­ge «Tere­mok­­tyń» jıyrma shaq­­ty tur­­­ǵyny bar, olar­dyń qa­ta­ry ja­­qyn kúnderi ór­­mek­shi­men to­­­ly­ǵatyn kó­ri­nedi. Qostanaıda haıýanat­tar parkin ashý týraly bıo­­lo­g­tar, áýesqoılar ta­ra­­py­nan jıi sóz bolatyn. Al Iýrevter otbasynyń ta­­bı­ǵat­qa qyzyǵýshylyǵy olar­­dyń ónerimen tikeleı baı­la­nys­ty edi. Otbasy uzaq jyl­dardan beri sırk óneri­men aınalysady. Onda ja­nýar­­lardyń qatysýymen kór­­setiletin nómirleri de jet­kilikti bolatyn. Alaıda,  kanıkýl kezderinde  olar  janýarlardy  amalsyz úı­de us­taıdy. Balalardyń ta­bı­ǵat­qa qyzyqpaıtyny joq. Sondyqtan Qos­tanaıda haıýanattar parkin ashsaq degen oı  pisip-jetilýmen boldy. Alaıda «úıdegi oıdy bazardaǵy naryq buzyp», olardyń bastamasyn qar­jyl­aı qoldaı qoıǵan eshkim ta­byl­­mady. Jergilikti at­qarý or­gandary  tarapynan da asa qol­daý bola qoımady. – Qarjylaı qoldaýǵa qo­ly­myz jetpegen soń, ózimiz ne­sıe aldyq ta, haıýanattar parkin ashýǵa táýekel ettik, – deıdi haıýanattar parki­niń bas­shysy Elena Iýreva. «Teremok» ujymy ańdar sanyn, túrin kóbeıte tús­kisi bar. Mysaly, aıý, jol­ba­rys nemese afrıka­lyq haı­­ýa­nat­tardy  da qos­ta­naı­­lyq kó­rer­men nazaryna usynǵysy ke­ledi. Áıt­se de, olar úshin  tu­tas jaǵdaı ke­rektigi belgili. Al­dymen jy­ly ǵımarat, jyl­­dyń jyly maý­symynda syrt­qa shyǵarý úshin arnaıy alań­dar kerek. Onyń barlyǵy da qarjyǵa ke­lip tireledi. – Qazir ańdardyń ózi de qym­bat  turady. Eń bastysy, oryn kerek, qalǵan másele bir­te-birte sheshimin tabar ma edi, – deıdi Elena. Degenmen, is bastaldy.  Se­ń­niń júrerine Elenanyń se­nimi mol. Ol   óz haıýanattar parkiniń bolýy qalanyń óskeni dep biledi. Názıra JÁRIMBETOVA, «Egemen Qazaqstan» QOSTANAI Sýretti túsirgen Konstantın Vıshnıchenko