Men Gorkıımen tanystym...

Kezekti eńbek demalysymdy alyp «Astana – Atyraý» poıyzyna otyrǵanmyn. Kýpelesterim jastary alpys­tan asa bastaǵan egde kisiler eken. Sálemdeskennen keıin tanysa bastadyq. Aǵaly-inililer bolyp shyqty. «Maksım», dedi biri, ekinshisi «meniń atym Gorkıı», dep qolyn usyndy. Bir jaǵynan tań qalyp, ekinshi jaǵynan qyzyq eken degendeı qarap qalsam kerek. «Jurttyń bári solaı oılaıdy», dep jolserikke daıyndap qoıǵan jeke kýálikterin kórsetti. Dál solaı. Senbeske amal qalmady. Ol-ol ma, «Pýshkın atty týǵan inimiz aýylda qaldy», dedi ekeýi jarysa. Jol alys bolǵasyn áń­gi­me kerek. Atqa, esimge baı­lanysty taqyryptyń tı­egi aǵytyldy dersiń. Ke­ńes úki­me­tiniń saıasaty ǵoı de­ge­nimizben, eń aldymen ózgege eliktegish ózimiz ekenimizdi moı­yn­damasqa lajymyz joq. Ba­la esimin qoıarda eń aldymen qazaq bolyp týǵa­ny­myzǵa mán bermeıtinimizge qaıran qa­lasyń. Sol eki aǵamyz alys­taǵy qa­zaq aýyl­ynda talaı Marks, Engels, Mels, Aleksandr, Indıra, Rıta, Larısa esimdi atalary­myz ben ájelerimizdiń bar ekenin, ondaılardyń or­ta býynda da kóp ekenin orta­ǵa saldy. Bári ózimizdiń qa­zaq­tar. О́ziniń uldary men qyzdaryn Gorkııuly, Gorkııqyzy dep jazdyrǵan aǵamnyń júzinen esh ókinish kórmegendikten, kóńilim qulazyp sala berdi. Jaraıdy, muny kelmeske ketken keńestiń tárbıesi, ıdeologııasy delik, biraq táý­elsizdik alǵan soń, er­si esimderin jóndep al­ǵan qandastarymyz az ba? Mak­sımdi – Maqsym, Alek­sandrdy – Eskendir, Kommý­nar­dy – Qaıymmunar, Elmırany – Elmura dep alǵandar sonyń dále­li. Biraq alǵa qaraı – ultta­ný­ǵa qaraı júrýdiń ornyna, ultsyzdanýǵa qaraı bura­tyn­dar áli de jetedi. Endi aǵyl­shyn, fransýz bolýǵa elik­tegishter ósip keledi. Danıel, Albert, Anel, Anelka, Dıana, Albena, Albına, qudaı-aý, qaısysyn aıtasyń, tolyp jatyr. Qazaq bolyp týyp, qazaq ekenine maqtana almaıtyndar kóp jerde, el bolamyz, ana tili­miz­di kórkeıtemiz degen sóz­diń bári bos sııaqty. Ersi da­ra­q­ylyq, kózge shuqıtyn bir­deńe jasap qoısa: «qazaq emespiz be?» dep ózin ózi ke­ke­­tetinder de óz aramyzda júr. О́zim­di túzesem bútindeı ul­­ty­ma jasaǵan jaqsylyǵym bo­­lar edi dep oılamaıtyn ult biz ǵana shyǵarmyz. Kósheler men eldi meken ataýlaryna da mán bermeıtinimizdiń ta­myry osynda jatqan tá­riz­di. Arhımed atty ákim de, Petropavl, Pavlodar at­ty oblys ortalyqtary da, mınıstr bola otyryp mem­lekettik tilde sóı­le­meı­tin­der de bizde... Osyndaı oımen otyrǵanda kýpemizdiń esiginen tórt-bes jastaǵy kishkene bala syǵalady. «Má, kámpıt ala ǵoı», dep janyma shaqyrdym. Kóz tımesin degen bolý kerek, áp-ádemi aıdary jelkildep tur. «Atyń kim, aınalaıyn?». «Erasyl» dep rııasyz kúlgen sábı quldyrańdap júgirip bara jatty. «Elimniń erteńi sol, aman bolshy», deı berdim ishimnen. Erasyl. Naǵyz qazaqy esim! Sádýaqas JUBAT, jýrnalıst ASTANA