Astanada Ýnıversıada Alaýy estafetasy kezinde birneshe kóshe jabylady

Astanada 28-shi Dúnıejúzilik qysqy Ýnıversıada-2017 Alaýynyń Estafetasy 25 qańtarda ótedi. Bul týraly qala ákimdiginiń Feısbýktaǵy paraqshasynda habarlandy. «Osyǵan oraı 2017 jyldyń 25 qańtar saǵat 10:00-den 12:30-ǵa deıin: * Qabanbaı batyr dańǵylynda Turar Rysqulov kóshesinen bastap, Dostyq kóshesine deıin; * Dostyq kóshesinde Qabanbaı batyr dańǵylynan bastap, Túrkistan kóshesine deıin kóliktiń barlyq túrlerine qozǵalys ishinara shekteletinin eskertemiz. Sondaı-aq, 2017 jyldyń 25 qańtar kúni saǵat 12:45-ten 15:00-ge deıin: * D. Qonaev kóshesinde Túrkistan kóshesinen bastap, Qabanbaı batyr dańǵylyna deıin; * Qabanbaı batyr dańǵylynda D. Qonaev kóshesinen bastap, «Ramstor» SO-nyń avtoturaq aýmaǵyna deıin (Respýblıka dańǵ.); * Respýblıka dańǵylynda «Ramstor» SO-nyń avtoturaq aýmaǵynan bastap, Kenesary kóshesine deıin; * Kenesary kóshesinde Respýblıka dańǵylynan bastap, Astana qalasynyń eski alańyna deıingi aýmaqta qozǵalystar shekteletin bolady», delingen habarlamada. Astana qalasynyń IID Jergilikti polısııa qyzmeti ýaqytsha shekteýge júrgizýshilerden túsinýshilikpen qarap, aınalyp ótýdiń balama joldaryn aldyn-ala josparlaýdy suraıdy.