Abel Sanches: Golovkınge qarsy 12 raýnd boıy eshkim shydamaıdy

Bapker Abel Sanches BoxingScene agenttigine bergen suxbatynda, onyń qol astyndaǵy boksshysy Gennadıı Golovkın amerıkalyq Denıel Djeıkobsti joıqyn soqqylarymen tıtyqtatyp, keıin nokaýtqa jiberetinin málim etti. Ol Djeıkobstyń myqty tustary baryn moıyndady, degenmen Golovkınmen  sharshy alańda 12 raýndqa eshbir boksshy shydamaıtynyn taǵy da eske salyp ótti. "Denıeldiń oń qoly óte myqty, onyń soqqysy óte jyldam, biraq men aldynda aıttym - Gennadııge qarsy eshkim 12 raýnd boıy shydap tura almaıdy. Bári-bir Djeıkobsti ol sulatpaı tynbaıdy. Dennı óz soqqylaryn darytatyny anyq, sebebi bul boks, bul oıynnyń ajyramas bóligi. Alaıda Gennadıı túptiń túbinde ony ábden tıtyqtatyp, dál soqqysyn jasaıdy da nokaýtqa jiberedi", - deıdi Abel Sanches. О́z kezeginde Denıel Djeıkobstyń bapkeri Andre Roze 18 naýryz kúni Gennadıı Golovkınmen kezdesýde qandaı tásil qoldanatyndaryn aıtyp berdi. Golovkınniń ózi Djeıkobsty óziniń mansabyndaǵy eń myqty boksshysy dep sanaıdy.