2017 jyly álemde jumyssyzdar sany 201 mln-ǵa jetedi

2017 jyly álem boıynsha jumyssyzdar sany 201 mln-ǵa jetedi. Bul týraly Halyqaralyq eńbek uıymynyń álemdik deńgeıdegi jumyspen qamtý kórsetkishteri týraly jasaǵan baıandamasynda belgili boldy, dep habarlady BUU jańalyqtar qyzmeti. "Bul kórsetkishke 2018 jyly taǵy 2,7 mln adam qosylady. Eńbek naryǵyndaǵy atalǵan jaǵdaıdyń sebebi - jumys isteýge jaramdy jastaǵy adamdar sany jumys oryndaryn ashý jyldamdyǵynynan da qarqyndy ósýde", delingen habarlamada. Atalǵan uıymnyń bas dırektory Gaı Raıderdiń aıtýynsha, qazirgi tańda bir ýaqytta eki máseleni sheshý kerek: jahandyq ekonomıkalyq jáne áleýmettk daǵdarystyń ornyn toltyrý, jyl saıyn eńbek naryǵyna keletin ondaǵan mıllıon adamdarǵa qosymsha jumys oryndaryn ashý. Sonymen qatar ol ekonomıkalyq ósim de álem boıynsha tómendegenin aıtty. "Bul jahandyq ekonomıkadaǵy alańdatatyn jaǵdaı. Sebebi jumys oryndaryn saqtap qalýǵa kesirin tıgizedi", dedi G.Raıder. Baıandama avtorlary Eýropa men Soltústik Amerıkada jumyssyzdyq deńgeıi túspegenin aıtady. Al Batys Eýropada jumyssyzdyq sany ósimin jalǵastyrýda. Onyń aıtýynsha, osy jyldyń sońynda álemdegi jumysyzdyq kórsetkishi 3,4 mln-ǵa artady. Baıandamada Halyqaralyq eńbek uıymynyń sarapshylary aldaǵy 2 jylda óz eńbegi úshin kúnine 3-10 dollar jalaqy alatyn kedeıler sany 5 mln-ǵa jetetinin atap ótti.