Qazaqstandyq ǵalym rakty emdeýde mańyzy bar jańalyq ashty

Nazarbayev Laboratory Astana oqý ornynyń aǵa ǵylymı qyzmetkeri Dana Aqylbekova qaterli isik jasýshalaryn baǵdarlamalaý jobasyn júzege asyrdy. Bul týraly Bilim jáne ǵylym mınıstrliginiń Ǵylym komıteti habarlady. «Biz túrli qospalardyń quramyna baılanysty atalǵan jasýshylarǵa qandaı da bir yqpal etýge bolatyndyǵyn dáleldeı aldyq. Bul bolashaqta qaterli isikke qarsy em-domdy qalaı bir arnaǵa toǵystyrýǵa bolatyndyǵyn bilýge múmkindik beretin fýndamentaldy bilim», - dedi Dana Aqylbekova. Ǵalym qyz fızıkterdiń otbasynda týǵan jáne jastaıynan ǵylymǵa qumar bolǵan. Doktorantýra stýdenti bola otyryp ol tiri kletkalardyń ınsýlın shyǵarýyn qamtamasyz etetin polımerli bólshekterdi daıyndaý tájirıbesine qatysty. Dári-dármekterdiń jetkizýdiń mundaı tásili ınsýlın ekpesinsiz jarty jyl júrýge múmkindik beredi. Jas ǵalym óziniń fızıka men ınjenerııa salasyndaǵy jetistikteri Qazaqstannyń bıomedısına salasynda paıdaly bolady degen senimde. Al, Dananyń ózi Qazaqstannyń jas ǵalymdaryn yntalandyrýǵa yqpal etedi.