Qazaqstanda «Hanum Sollection» qol sómkeleri shyǵaryla bastady

Qazaqstannyń belgili sángeri Haným Aıdash álemdik tanymal brendpen alǵash ret joǵary sapadaǵy qol sómkeler shyǵarýdy bastady, dep jazady abctv.kz. Naqtyraq aıtqanda, Prada, Gucci, Debenhams, Whistless, Naýks and Spencer syndy keńinen belgili brendtermen yntymaqtastyqta jumys isteıtin Túrkııanyń «Desa» zaýyty arasynda kópir ornatyp, atalǵan brendter sapasynan kem emes qazaqstandyq «Hanum Sollection» brendimen áıelderge arnalǵan qol sómkelerin shyǵarý múmkindigine ıe boldy. Sánger muny jańa jyldaǵy qazaqstandyq sán áleminiń eń úzdik oqıǵasy dep sanaıdy. О́ıtkeni ol birinshi bolyp álemge áıgili atalǵan kásiporynmen kelisim ornatyp, tuńǵysh ret qazaqstandyq brend ataýymen sapaly sómke shyǵarýǵa jol ashty. Ázirge bir-birine uqsamaıtyn 12 dana sómke jasalypty. Onyń altaýy sómkeniń alǵashqy tanystyrylymynda satylyp ketken. Sómke qunyna kelsek, ony kez-kelgenniń qaltasy kótere bermesi anyq. Degenmen Hanym Aıdashtyń aıtýynsha, Qazaqstannyń 20-30% áıelderi osyndaı joǵary sapadaǵy tanymal brend sómkelerdi Eýropadan óte qymbat baǵaǵa satyp alady. Mundaı sómkelerdiń quny 300 myń teńgeden joǵary kete beredi. Al sapasy da sol baǵasyna turarlyq. О́te sapaly, 100 paıyz teri, túrli óńdeýden ótken, prestelgen teriden jasalǵan. Shyǵys úlgisindegi bizdiń sómkelerdiń tastary tabıǵı, svarov tastarymen kómkerilgen. Elimizde arzanqol sómke jasaý óndirisi bar shyǵar. Biraq bizdiń maqsatymyz ol emes. Biz tek taza joǵary sapany kózdedik. Qoljetimdilik týraly da eshteńe aıta almaımyn. Sebebi biz qoljetimdi sómke jasaýdy josparlamadyq. Eń bastysy, álemdik brend jáne sapa, jańa deńgeıdi baǵyndyrý. Atalǵan túrkııalyq kásiporynmen kelisim jasaý, odan soń sómke dızaınyn qorǵap shyǵý ońaı bolmady. Taǵy da shyǵara beremiz. Biraq olar bir-birin qaıtalamaıtyndaı etip shyǵarylady. Ázirge shetelde tigilip jatyr, bolashaqta óz elimizde óndirýge jumystanýymyz kerek , - deıdi sánger. Tanymal sángerdiń ózi sońǵy jyldary sondaı álemdik brendtegi sómkelerdi elge alyp kelip satýmen aınalysqan. Sol kezderi nege osyndaı sapaly dúnıeni óz elimizdiń atynan shyǵarmasqa, sóıtip óz qarjymyzdy ózimizde qaldyrmasqa dep armandaǵanyn, sol armanyna jaılap qol jetkizip jatqanyn aıtady. Hanym Aıdash basqaratyn «Hanum» agenttigi qazaqstandyq dızaınerler ónimderiniń basyn qosyp, «FASHION HANUM  collection»  ulttyq brendter dúkenin byltyr ashqan bolatyn. Dúken dırektory Aıdana Tólegenovanyń aıtýynsha, búginde atalǵan dúkenniń 5 myńdaı turaqty klıenti bar, kúnine oǵan 10-20 adam keledi. Kezinde 90-shy jyldardyń ortasynda qazaqtyń Roza Rymbaeva, Maqpal Júnisova bastaǵan eń tanymal 200-deı estrada ánshisine sahnalyq kıimder usynǵan sánger, QR Eńbek sińirgen qaıratkeri, etnolog, dızaınerdiń jańa sómkelerin qazaqstandyq sylqym qyz-kelinshekter Astanadaǵy osy dúkennen ǵana taba alady.