Senat Tóraǵasy Qytaı Elshisin qabyldady

Senat Tóraǵasy Qasym-Jomart Toqaev Qytaı Halyq Respýblıkasynyń Qazaqstandaǵy Elshisi Chjan Hanhýeni onyń ótinishi boıynsha qabyldady. Joǵarǵy Palatanyń Tóraǵasy taıaý kúnderi Qazaqstan men Qytaıdyń arasyndaǵy dıplomatııalyq qatynastardyń ornaǵanyna 25 jyl tolǵanyn atap ótti. Qazaqstan Prezıdenti Nursultan Nazarbaev pen QHR basshylary shırek ǵasyrda eki kórshi memlekettiń uzaq merzimdi strategııalyq áriptestiginiń senimdi negizin jasady. Memlekettik shekara delımıtasııalandy jáne demarkasııa jasaldy, Qazaqstan men Qytaıdyń belsendi túrde qatysýymen aımaqtyq qaýipsizdik pen yntymaqtastyqtyń jańa qaǵıdattyq turǵydaǵy júıesi quryldy. Aımaqtyq ekonomıka úshin «Nurly jol» jańa ekonomıkalyq saıasaty men «Bir beldeý, bir jol» bastamasynyń úılesim tabýynyń mańyzy zor. Q.Toqaev eki eldiń BUU Qaýipsizdik Keńesindegi ózara tyǵyz is-qımylyna senim bildirdi. Senat Tóraǵasy óziniń taıaýdaǵy Qytaıǵa saparynyń nátıjeli bolǵanyn, onyń ekijaqty yntymaqtastyqtyń mańyzdy máseleleri jónindegi parlamentaralyq únqatysýdy údete túsýge yqpal etkenin atap ótti.