2017 jyly Qyzylorda oblysynda 44 kópqabatty úı salynady

Qyzylorda oblysynda ótken jyly 80 kópqabatty úıdiń qurylysy júrgizilip, onyń 510,6 myń sharshy metri paıdalanýǵa berildi. Bul jaıynda óńirlik kommýnıkasııalar qyzmetinde ótken brıfıngte oblystyq qurylys, sáýlet jáne qala qurylysy basqarmasynyń basshysy Muhamedısa Álserikov málim etti. Basqarma basshysynyń aıtýynsha ótken jylǵa josparlanǵan jumystar tolyǵymen oryndaldy. Byltyr áleýmettik nysandar men turǵyn úıler salýǵa, ınjenerlik-ınfraqurylym jasaqtaýǵa 38,7 mlrd teńge bólingen.  Atalǵan kezeńde salynyp jatqan 48 nysannyń 25-i paıdalanýǵa berildi.  Bilim salasynda qurylysy júrip jatqan 22 nysannyń tórteýi aıaqtaldy. - Endigi mindet qalǵan nysandardy salyp bitirý. Sonymen qatar, bıyl aımaqta sportty damytý bastamasy aıasynda  Ǵ. Muratbaev atyndaǵy stadıonnyń qosalqy alańy men aýdandaǵy sport keshenderi rekonstrýksııalanady. Bıylǵy basty jańalyq - turǵyn úı qurylysy «Nurly jol» baǵdarlamasynyń sheńberinde júrgiziledi. Osy baǵdarlama aıasynda bıyl oblys boıynsha jalpy aýmaǵy 151 myń sharshymetrdi quraıtyn 44 kópqabatty úı salý josparlanýda, - dedi basqarma basshysy.