Shekaradaǵy ótkizý beketteriniń ınfraqurylymy jaqsartylady

Shekaradaǵy 23 ótkizý beketiniń ınfraqurylymy jaqsartylady. Bul týraly búgin QR Parlamenti Májilisinde «Salyqtyq jáne kedendik ákimshilendirýdi jetildirý» taqyrybyndaǵy Úkimet saǵatynda QR Qarjy mınıstri Baqyt Sultanov aıtty. «Kedendik prosesterdi syrttaı baqylaý shekaradaǵy kedenderde eski jáne tıimdiligi tómen beketterdiń bar ekendigin kórsetedi. Qazaqstan-Qytaı shekarasyndaǵy keden beketteriniń ınfraqurylymyn jańǵyrtý úshin memlekettik-jeke seriktestik ustanymdary negizinde «Nurly jol» jáne «Qaljat» avtomobıl ótkizý jańa beketteriniń qurylysy júrgizilýde. Munan ary úkimetaralyq zaım tartý esebinen taǵy 23 ótizý beketin jańǵyrtý ári qosymsha jabdyqtaý josparlanǵan», - dedi Sultanov. Onyń aıtýynsha, jańǵyrtylǵan avtomobıl ótkizý beketteri zamanaýı saýda-logıstıkalyq ortalyqtarmen jabdyqtalady. Bul shekaranyń ózinde taýar shyǵarýǵa múmkindik beredi. Máselen, buzýshylyqtar táýekelin basqarýdyń anyqtalǵan júıesi bolmaǵanda taýarlardy shyǵarý shekarada 29 mınýttyń ishinde júrgiziledi. «Bul ýaqyt (29 mınýt) boljamdy kórsetkish emes. Ol naqty is júzinde eseptelgen. О́zderińiz de biletindeı, Astana qalasynda jańa kóliktik-logıstıkalyq ortalyq ashyldy. Onda memlekettik baqylaýdyń túrlerin júrgizý úshin barlyq baqylaýshy organdar shoǵyrlandyrylǵan. Bul jerde syrtqy ekonomıkalyq qyzmetke qatysýshy taýarlardy saqtaý men suryptaýdy qosa alǵanda logıstıkalyq qyzmettiń tolyq keshenin alady», - dedi mınıstr. Sultanovtyń atap ótýinshe, kedendik rásimdeýdiń osyndaı tórt aımaǵy (Soltústik, Ońtústik, Batys pen Shyǵys Qazaqstanda) taıaý arada iri qalalarda paıda bolady. Munyń barlyǵy «Qazaqstan temir joly» ulttyq operatorymen birge memlekettik-jeke seriktestik ustanymy negizinde jasalady.