Táýelsizdik jyldary Qazaqstan 12 Ýnıversıadaǵa qatysqan

Almatyda ótetin aldaǵy 28-shi Búkilálemdik qysqy Ýnıversıadaǵa Qazaqstannyń qurama komandasynan jarystar baǵdarlamasyna engen sporttyń barlyq túrleri boıynsha 168 sportshy qatysatyn bolady. Bul týraly atalǵan sharaǵa ázirlik barysyna arnalǵan QR Úkimeti otyrysynda belgili boldy.   Oqý-jattyǵý úrdisiniń kestesine sáıkes, qurama komandalar medısınalyq baqylaýmen qamtamasyz etiledi. Ýnıversıada kezinde Qazaqstannyń qurama komandasyna Respýblıkalyq sport medısınasy men ońaltý ortalyǵynyń 12 mamany jáne qosymsha qysqy sport túrleri boıynsha respýblıkalyq federasııalardyń mamandary qyzmet kórsetetin bolady. Aıta ketý kerek, Qazaqstan on eki Búkilálemdik Ýnıversıadaǵa qatysqan, onda 44 medalge ıe bolǵan, olardyń 18 altyn, 13 kúmis, 13 qola. Qazaqstannyń Búkilálemdik stýdenttik oıyndarǵa qatysýynyń eń úzdik jetistigi 2015 jyly Slovakııa men Ispanııada túrli qundylyǵy boıynsha 11 medal alýy, onyń 5 altyn, 6 kúmis. Osylaısha Qazaqstan komandasy úshinshi orynǵa kóterildi. Esterińizge sala ketsek, Búkilálemdik qysqy Ýnıversıada Almaty qalasynda 29 qańtar men 8 aqpan aralyǵynda ótedi. Aldaǵy jarystarǵa álemniń 59 elinen 2000-nan astam sportshy qatysady dep josparlanǵan. Barlyǵy 12 sport túri boıynsha 86 medaldar jıyntyǵy oınatylady.