2016 jyly Qazaqstanda 6 ınvestısııalyq joba iske qosyldy

Qazaqstanda 2016 jyly ınvestorlarmen jumys qorytyndylary boıynsha 6 jańa joba paıdalanýǵa engizilgen, dep habarlady Strategy2050.kz. Mańyzdy jobalardyń ishinen premıým klasyna jatatyn lak-boıaý materıaldary bóligindegi qazaqstandyq naryq kóshbasshysy «Tikkurila» fın kompanııasyn atap ótýge bolady. Taǵy bir mańyzdy jobalardyń biri - «GALAKSI GROUP» birlesip, «AKPEN PLASTIK» túrik kompanııasynyń quny 5 mln dollardy, qýattylyǵy jylyna 3 myń tonnadan astam daıyn ónimdi quraıtyn, Almaty oblysynda metall qorytpalary men alıýmınııden tereze jáne esik quraldaryn shyǵaratyn zaýytynyń iske qosylýy. «Keruen Plus» túrik kompanııasy qoldanystaǵy óndiristi keńeıtýge 500 myń dollar qaıta ınvestısııalap, polıpropılen qubyrlar shyǵaratyn jańa jelini iske qosty. Qýattylyǵy jylyna 9 myńnan 10 myń tonna ónimge deıin artqan. «Polfarma» Qazaqstanda burynnan beri jáne sátti jumys istep keledi. Sondaı-aq ol Ortalyq jáne Shyǵys Eýropa, Kavkaz jáne Ortalyq Azııa naryqtarynda dárilik preparattar men belsendi farmasevtıkalyq zattardy óndirýshiler arasynda kóshbasshy bolyp tabylady. «Eczacibası Holding» túrik kompanııasynyń sanıtarııalyq-gıgıenalyq baǵyttaǵy qaǵaz ónimin óndirý zaýyty iske qosyldy, jobanyń quny 14 mln dollar, qýattylyǵy 23 myń tonna qaǵaz ónimi. Álemdegi eń iri «BASF» konserni Astana qalasyndaǵy qoldanystaǵy zaýyttaǵy epoksıdti óndiristi iske qosýǵa qaıta ınvestısııalady. KAZNEX INVEST  derekteri boıynsha 2016 jyly kelesi áleýetti ınvestorlarmen ózara túsinistik týraly 30 memorandýmǵa qol qoıyldy.