Almaty oblysynda sút-taýarly ferma salynýda

Almaty oblysynyń Qaraqystaq aýylynda jylyna 6 myń tonna sút óndiretin ferma salynyp jatyr. Bul týraly Jambyl aýdanynyń ákimi Jandarbek Dalabaev óziniń turǵyndar aldynda bıylǵy jylǵy alǵashqy esep berý jıynynda aıtty. Almaty oblysy Jambyl aýdanynda «100 naqty qadam» Ult josparynyń 60 jáne 61 qadamdarynda sút pen et óndirisin damytý jóninde tapsyrmalardy oryndaý baǵytynda júıeli jumystar jasalyp keledi. О́tken jyly 21 myń 913 tonna et, 39 myń 668 tonna sút óndirilip, jospardy asyra oryndady. J. Dalabaevtyń aıtýynsha, óńirdegi 3 myń basqa arnalǵan «Imperııa Fýd» JShS-nyń mal sanyn aldaǵy ýaqytta 10 myńǵa deıin arttyrý kózdelýde. Oǵan qosa qýattylyǵy 5000 tonnalyq, jalpy quny 288 mln. teńgelik astyq qoımasyn salý jumystary júrgizilýde. Onyń 224 mln. teńgesi - «Kazagrofınans» AQ-nyń, 64 mln. teńgesi - kompanııanyń óz qarjysy. Sonymen qatar aýdannyń Qaraqystaq aýylyndaǵy «Tabys» sharýa qojalyǵy 600 basqa arnalǵan, jalpy quny 1 mlrd. 780 mıllıon teńge turatyn  sút- taýarly fermasyn salyp, Ýkraınadan asyl tuqymdy sıyr malyn satyp alý jumystaryn júrgizýde. Sharýashylyq tolyq qýatymen jumys istegende jylyna 6,0 myń tonna sút óndiretin bolady. Osyǵan baılanysty atalǵan kásiporyn qýattylyǵy 5,0 myń tonnalyq sút óńdeý zaýytyn salý jumysyn qolǵa aldy.