SQO-da 2016 jyly qylmys sany 18,9%-ǵa tómendedi

2016 jyldyń nátıjesi boıynsha qoǵamdyq oryndardaǵy qylmystar 18,9%-ǵa, kóshelerde 26,5 %-ǵa, kámelettik jasqa tolmaǵandardyń jasaǵan qylmystary 16,1%-ǵa, mas kúıinde jasalǵan qylmys 3%-ǵa tómendegen. ul másele boıynsha jergilikti polısııa qyzmetiniń bastyǵy Qanat Aıtbaev apparattyq keńeste habardar etti, dep jazady strategy2050.kz. Ol aıtyp ótkendeı,  esepti kezeń ishinde jolda júrý erejesiniń 88 812 buzý áreketteri anyqtaldy. О́ńir basshysy Erik Sultanov ákimshilik aıyppuldardy tóletý boıynsha jumysty kúsheıtýdi tapsyrdy. «Jalpy kórsetkishter jaqsy. Bir jyly ishinde barlyq baǵyttar boıynsha jaqsy nátıjelerge qol jetkizdik. Qajetti qoldaýdy kórsetip júrmiz, sondyqtan ony tıimdi paıdalaný qajet», — dep atap ótti oblys ákimi. Jıyn barysynda «B korpýsynyń» ákimshilik memlekettik qyzmetkerleriniń keshendi attestasııasyn ótkizý máselesi qarastyryldy. Bul másele jaıynda Memlekettik qyzmet isteri jáne sybaılas jemqorlyqqa qarsy is-qımyl Agenttiginiń Soltústik Qazaqstan oblysy boıynsha departamentiniń basshysy Ǵalym Tursynbaev málimdedi. Mekeme basshysy attestasııany ótkizý merzimderi men ótkizý tártibi týraly habarlap, bul emtıhannan bosatylatyn qyzmetkerler sanatyn atap ótti. Sondaı-aq, apparattyq keńes barysynda qatysýshylary azamattardyń tirkeý máselesi boıynsha zańnama normalaryn túsindirý jumystaryn talqylady. Bul másele boıynsha kóshi-qon polısııa basqarmasynyń basshysy Erketaı Tutqyshev baıandady. Petropavl qalasynyń Halyqqa qyzmet kórsetý ortalyǵynda adamdardyń kóp jınalmaýy men qarbalastyqty boldyrmaý úshin sharalar qoldanyldy. Jalpy jyl basynan tirkeý ornynan 5070 adam, onyń ishinde turaqty turǵylyqty jeri boıynsha 2900, ýaqytsha mekendeý boıynsha 2170 adam tirkelgen.