Djeıkobs: Aýyr dertke shaldyqpaǵanymda Golovkınmen erterek judyryqtasar edim

Orta salmaqta WBA (Regular) belbeýiniń ıegeri Dennıel Djeıkobs isik aýrýyna shaldyqqany jáne Gennadıı Golovkınge qarsy jekpe-jegi jaıly óz oıymen bólisti. Bul týraly sports.kz habarlady. «Isik aýrýy bolmasa, Golovkınmen erterek judyryqtasar edim. Kóz aldamnan kóptegen jaılar ótti. Biraq aýyrdym dep jatyp qalmaı, kemshilikterimniń ornyn toltyrýdy oıladym. Kóp uzamaı, aýyr dertimnen jazyldym. Kópshilikke qandaı jaǵdaı bolmasyn jeńiske jete alatynymdy dáleldegim keldi. Men pancher boksshymyn. Bul jekpe-jekte jeńiske jetemin degen úmitim bar», – dedi Dennı. «Kell Brýkpen ótken aıqasta Golovkınniń osal tustaryn kórdim. Oǵan deıin de bul kemshilikterin baıqaǵanmyn», – dedi Djeıkobs. Aıta keteıik, amerıkalyq bylǵary qolǵap sheberi 2011 jyldyń mamyr aıynda qaterli aýrýǵa shaldyqqany týraly «New York Daily News» basylymy habarlaǵan. Dárigerler oǵan osteosarkoma (súıek isiginiń túri) degen dıagnoz qoıypty. Osyǵan baılanysty aıaǵyn basa almaı qalǵan kezderi bolǵan. Julynyna toǵyz saǵatqa jýyq ota jasalyp, túrli hımııaterapııadan, fızıoterapııadan ótti. Aq halattylar onyń bokspen shuǵyldana alatynyna kúmánmen qaraǵan. Alaıda, bolashaǵyna tek úmitpen qaraǵan ol 2012 jyly rıngke qaıtar oraldy.