Qazaqstanda jylyna 250-den astam kınokartına túsiriledi

Resmı statıstıkaǵa sáıkes, elde qyzmet etetin 35 kınoóndiris uıymy jylyna 250-den astam kınokartına túsiredi, onyń ishinde televızııalyq jáne jeke jobalar da bar. Bul týraly búgin Úkimet otyrysynda mádenıet jáne sport mınıstri Arystanbek Muhamedıuly málimdedi. Mınıstrdiń aıtýynsha, jalpy kınoprokat kólemindegi otandyq fılmderdiń úlesi búginde 6%-dy quraıdy. «Kınokórsetilimdi 93 kınoteatr, 247 kınozal jáne 368 jyljymaly jáne stasıonarly kınoqondyrǵylar qamtamasyz etedi. Kınoteatrlarda jınalatyn qarjynyń jalpy somasy 10 mıllıard teńgeni qurasa, onyń 7%-dan astamy qazaqstandyq fılmderge tıesili», - dedi ol. Sonymen qatar mınıstr sońǵy úsh jylda 100-ge jýyq ulttyq fılm túsirilgenin aıtty. Qazirgi ýaqytta 40-tan astam kıno túsirilip jatyr «2014 jyldan bastap mınıstrlik mádenı saıasat tujyrymdamasyn iske asyryp jatyr. Onyń negizgi basymdyqtarynyń biri – bul kınoındýstrııa klasteriniń damýy, shyǵarmashylyq bastamalardy qoldaýǵa jaǵdaı jasaý, kınoóndiristiń jańa ınnovasııalyq formalaryn engizý», - dedi Arystanbek Muhamedıuly. Onyń aıtýynsha, «100 naqty qadam» Ult jospary aıasynda 2015-2020 jyldarǵa arnalǵan keshendi jospar bekitildi. Onyń aıasyndaǵy kıno jáne telejobalar elimizdiń kóne zamannan bergi tarıhyn, qazaq mádenıeti, eldiń qazirgi ómiri, tarıhı tulǵalar men búgingi kúnniń batyrlary týraly pash etedi», - dedi Arystanbek Muhamedıuly.