Aqtóbe oblysy men Astana qalasyndaǵy jumys berýshiler sheteldik jumys kúshin tartýdyń jańa erejelerine saı 28 shetel qyzmetkerin jumysqa ornalastyrýǵa ruqsat alý maqsatynda 12,5 mln teńge kóleminde salyq tóledi, dep habarlady QR Densaýlyq saqtaý jáne áleýmettik damý mınıstrligi.
Sheteldik mamandar burǵylaý ınjeneri, ınjener-tehnolog, elektronıka ınjeneri qyzmetterine shaqyryldy.
Ruqsat berý boıynsha memlekettik qyzmet jergilikti atqarý organdary, sonymen birge, «bir tereze» qaǵıdasy boıynsha elektrondyq úkimet portaly arqyly júzege asyrylady.
Esterińizge sala keteıik, 2017 jylǵy 1 qańtarda Qazaqstanda sheteldik jumys kúshin tartýdyń jańa tásilderi qoldanysqa engizildi. Atalǵan erejelerge saı, jumys ruqsatnamalaryn berý merzimi qysqartyldy. Otandyq eńbek naryǵynda mamandar izdeýdi qarastyryp júrgen jumys berýshilerge qoıylatyn ákimshilik talaptar joıylyp, sheteldik mamandardy tartqan jaǵdaıda olar úshin kepildik jarnasy tólenetin bolady. Joǵarydaǵy talaptardyń ornyna jumys berýshiler salyq tóleýge mindetti.
