2017 jyly Qyzylorda oblysynda kásipkerlerge 180 mln teńge nesıe beriledi

Shaǵyn jáne orta kásipkerlik sýbektilerin aımaqtyq qarjylandyrý baǵdarlamasy aıasynda 2016 jyly 32 Qyzylordalyq kásipkerlerdiń jobalary júzege asty. Baǵdarlamanyń sátti jumys jasaýy nátıjesinde 175 jańa jumys oryndary ashyldy, dep habarlady «Damý» Qorynyń baspasóz qyzmeti. Búginde shaǵyn jáne orta kásipkerliktiń eń basty qajettiligi – ol qarjylandyrý. Sondyqtan Qyzylorda oblysynyń ákimdigi men «Damý» Qory birlesip shaǵyn jáne orta bıznesti qoldaýǵa 1,5 mlrd teńge qarajat bólgen bolatyn. О́ńirlik baǵdarlama aıasynda aımaqtyń kásipkerleri 8,5% ústememen 180 mln teńgege deıingi nesıe qarajatyn «Qazaqstan Halyq Banki» AQ, «Bank SentrKredıt» AQ jáne «Kazkommersbank» AQ sekildi ekinshi deńgeıli bankterden alýǵa bolatyn biregeı múmkindikke ıe boldy, Shaǵyn jáne orta kásipkerlik sýbektilerin aımaqtyq qarjylandyrý baǵdarlamasynyń tıimdiligin paıdalanǵan kásipkerlerdiń biri - «Sportmaster SB» JShS kompanııasynyń dırektory Baýyrjan Mahmýtov. Ol «Bank SentrKredıt» AQ arqyly 8,5% ústememen 20 mln teńge kóleminde alǵan nesıe qarajatyn «Araı» móltek aýdanynda sporttyq keshen ashýǵa jumsady. Jas startapshy nesıe qarajatyna qol jetkizý maqsatynda «Damý» Qorynyń bólshek kepildendirý baǵdarlamasyn da paıdalandy. Eskere ketsek, oblys Ákimdigi men Qor arasynda 2017 jyly yntymaqtastyqty jalǵastyrý týraly memorandýmǵa qol qoıylǵan bolatyn. Ústimizdegi jyly da óńirlik baǵdarlama aıasynda kásipkerler úshin 180 mln teńgege deıin jeńildetilgen nesıe qoljetimdi boldy. Negizgi quraldary qaıta jańǵyrtý maqsatyndaǵy nesıeni 60 aıǵa deıin berilse, al aınalym qarajatyn toltyrýǵa 36 aıǵa deıin merzimge nesıe alý múmkindigi qarastyrylǵan. Nesıeni kepildendirý mólsheri jetispegen jaǵdaıda kásipkerler «Bıznestiń jol kartasy 2020» bıznesti qoldaý men damytýdyń biryńǵaı baǵdarlamasy aıasyndaǵy bólshek kepildendirý quralyn paıdalana alady. Kepildendirý mólsheri áreket etýshi kásipkerler úshin 50%, al bastaýysh kásipkerlerge – nesıe somasynyń 85% deıin qarastyrylǵan.