Bir jarym ǵasyr tarıhy bar

Taıynsha aýdanynyń tur­ǵyny Anatolıı Gabchenko búgingi urpaqqa tańsyq jádiger bolyp kórinetin kóne buıymdar men zattardy jınaýmen jarty ǵasyrǵa jýyq aınalysyp keledi. Aýlasy men garajy osyndaı qymbat dúnıelerge lyq toly. Onyń muraǵatynan ár kezeńde shyǵarylǵan ártúrli markaly kólikterdi de kezdestirýge bolady. Olardyń sońǵysy 1974 jyly Shortandy qalasynan satyp alynypty. Eń kónesi – 1944 jyly qurastyrylǵan «Moskvıch». Usaq monetalar, turmystyq qural-jabdyqtar arasynda 1872 jylǵy samaýyr ózindik bitimimen erekshe kóz tartady. Qarııa kolleksııa jınaýmen ǵana shektelmeıdi. Jaramsyz bolyp qalǵandaryn jóndep alatyn ismerligi de bar. – 6 avtomobıl men 2 moto­sıkldi qalpyna keltirdim. Qazir soǵys kezinde minilgen «Gaz-678» kóligin qurastyrýmen aınalysyp jatyrmyn. Biraz bólshegi ózimde bar bolatyn. Qańqasyn Stepnıak qalasynan ákeldim. Bala kezimnen bergi qyzyǵýshylyǵym ǵana emes, ómirimniń bir bólshegi sekildi. Laqtyryp tastaýǵa qımaımyn. Basqalarǵa bereıin deseń, qadirin bilmeıtin sııaqty, – deıdi ol. Jyl saıyn Jeńis kúni kóne kólikterdiń shaǵyn sherýin uıym­dastyrý – A.Gabchenkonyń bul­jymas ádeti. Qart kollek­sıonerdiń armany – kózi tirisinde ashyq aspan astyndaǵy murajaı zattaryn mektep sekildi senimdi qolǵa tapsyrý. О́mir ESQALI, «Egemen Qazaqstan» Soltústik Qazaqstan oblysy