Attestattaýdan ótedi

О́ńirlik kommýnıkasııalar qyz­metindegi baspasóz máslıhatynda Aqmola oblystyq memlekettik qyzmet isteri jáne jemqorlyqqa qarsy is-qımyl departamentiniń basshysy Bergen Bespalınov «B» korpýsynyń 3224 ókili ke­shen­di attestattaýdan ótetinin habarlady. – Qazaqstanda «100 naqty qadam» – Ult josparyn júzege asy­rýǵa baǵyt­talǵan keń kólemdi jumys­tar júrgizi­lýde, – dedi depar­tament basshysy. – Bes ınstıtýt­tyq reformanyń 15-qada­my zama­naýı memlekettik apparatty qalyp­tas­tyrýdy kózdeıdi. Osyǵan baıla­nysty ákimshilik memlekettik qyzmet­tiń sapasyn baǵalaý men atalǵan qyz­mettiń túpki nátıjesiniń tıimdi­ligin aıqyndaıtyn keshendi attes­tattaý ótkiziledi. Maqsat – «B» kor­pýsy ókilderiniń kásibı daıarlyǵy men atqaryp otyrǵan laýazymyna sáıkestigin anyqtaý. Brıfıng barysynda búgingi kúni oblystaǵy 706 memlekettik organda 5961 adam qyzmet atqaratyny belgili boldy. О́kiletti organ belgilegen kes­tege saı, jekelegen sanattardy qos­paǵanda, 3224 memlekettik qyzmetker attestattaýdan ótkizilýge jatady. Attestattaýdyń mańyzdylyǵy men ótkizilý tártibin túsindire kele, B.Bespalınov bylaı dep atap kór­setti: «Attestattaý memlekettik qyz­metkerdiń kásibı, etıkalyq áleýetin jan-jaqty aıqyndaıdy. Sondyqtan, atalǵan sharany ótkizý barysynda attestattaý komıssııasynan tıisti she­shim qabyldaýda obektıvtilik pen óz jumysynyń ashyqtyǵy talap etiledi».  Baqbergen AMALBEK, jýrnalıst Aqmola oblysy