О́zara tıimdi sheshimderge qol jetkizildi

Qazaqstan Respýblıkasy Premer-Mınıstriniń birinshi orynbasary Asqar Mamın beınekonferensııa rejiminde Eýrazııalyq ekonomıkalyq komıssııa keńesiniń kezekti otyrysyna qatysty, dep habarlady Premer-Mınıstrdiń baspasóz qyzmeti. Otyrystyń kún tártibinde  19 másele qarastyryldy. Talqylaý qorytyndysy bo­ıynsha qatysýshy elder Eýrazııalyq ekonomıkalyq odaqtaǵy (EAEO) kedendik-tarıftik retteý, ónerkásip jáne AО́K, energetıka, zııatkerlik menshik jáne aqparattandyrý salalaryndaǵy birqatar mańyzdy sheshimder qabyldady. Komıssııa keńesiniń otyrysy ba­rysynda EAEO-ǵa múshe mem­leketterdegi aýyl sharýashylyǵyna arnalǵan mashınalar men jabdyqtar óndirisin jáne eksportyn damytý máselelerine basa kóńil bólindi. Atal­ǵan máselelerdi Eýra­zııa­lyq eko­nomıkalyq odaqqa múshe mem­­leket­terdiń Úkimet bas­shy­- lary­­nyń qa­raýyna engizý jos­par­lanǵan. Budan ózge, Eýrazııa damý bankiniń ıntegrasııalyq áleýetke ıe kooperasııalyq jobalardy damytýdy qarjylandyrý máseleleri talqylandy. Keńes músheleri tıisti kooperasııalyq jobalardy qaraý men irikteý úshin jumys tobyn qurý týraly ókim qabyldady. Atalǵan sheshimderdi iske asyrý EAEO-ǵa múshe memleketterdiń barlyǵynyń jalpy ónerkásiptik damýyna septigin tıgizedi