Astanada bıyl 1100 páter paıdalanýǵa beriledi

Aǵymdaǵy jyly elordada jalpy aýdany 57 myń sharshy metrdi quraıtyn 1100 páter qurylysy aıaqtalady, dep habarlady QazAqparat Astana qalalyq sáýlet jáne qala qurylysy basqarmasyna silteme jasap. «2017 jyly О́ńirlerdi damytýdyń 2020 jylǵa deıingi baǵdarlamasyn iske asyrý aıasynda turǵyn úı qurylysy baǵyty boıynsha Turǵynúıqurylysjınaqbanki arqyly jalpy aýdany 25 myń sharshy metrdi quraıtyn 444 páter qurylysy aıaqtalatyn bolady», - delingen basqarma aqparatynda. Atap aıtqanda, Brýsılovskıı, Imanov, Jumanov kósheleri qıylysynda jalpy aýdany 3,9 myń sharshy metrdi quraıtyn 96 páterlik turǵyn úı salynady. Onyń janama salynǵan orynjaılary men kólik turaǵy bar. Al jobalyq ataýlary №23-31, 23-16, 23-17, 23-30, A98 kósheleri qıylysynda jalpy aýdany 6,1 myń sharshy metrdi quraıtyn 99 páterlik turǵyn úı boı kóteredi.  Joǵaryda atalǵan jobalyq kóshelerdiń boıynda munan bólek taǵy 2 úı salynady. Onyń biri jalpy aýdany 6,1 myń sharshy metrdi quraıtyn 99 páterlik, al ekinshisi jalpy aýdany 9,4 myń sharshy metrdi quraıtyn 150 páterlik turǵyn úı keshenderi. Munan bólek, bıyl jergilikti atqarýshy organnyń oblıgasııasyn shyǵarý jolymen Daǵdarysqa qarsy jospar aıasynda jalpy aýdany 32 myń sharshy metrdi quraıtyn 656 páterlik eki turǵyn úı qurylysy aıaqtalady. Onyń biri Qoshqarbaev kóshesi men Jumabaev dańǵyldary qıylysynda ornalasqan. Turǵyn úı kesheniniń jalpy aýdany 14,96 myń sharshy metr. Munda 292 páter bolady. Dál osy kóshelerdiń qıylysyndaǵy jalpy aýdany 16,93 myń sharshy metrdi quraıtyn ekinshi turǵyn úı kesheninde 364 páter bolady.