Dıabetke shaldyqqandar toǵyz jyl az ómir súredi

Qytaı elinde dıabet aýrýyna shaldyqqan turǵyndardy zerttegen ǵalymdar deni saý adamnan toǵyz jyl az ómir súretinin málimdedi. Bul týraly RIA «Novostı» aqparat agenttigi habarlady. «Aspanasty halqynyń arasynda dıabetke shaldyqqandardyń qatary kún sanap artyp barady. Qaterli aýrýdyń aldyn alyp, tıisti sharalar qoldanbasa, qaıtys bolatyndardyń sany kúrt kóbeıedi», – deıdi Oksford ýnıversıtetiniń ǵalymy Chen Chjenmın. JAMA jýrnalyna jarııalanǵan maqalada álemniń damyǵan elderimen salystyrǵanda Qytaıda osy dertke shaldyqqandardyń kóbeıgenin jazǵan. Mamandardyń aıtýynsha, sońǵy ondaǵan jyldardyń ishinde tórt esege artypp, 100 mıllıon adamǵa jetken. Chjenmınmen onyń áriptesteri dıabet aýrýynyń halyq densaýlyǵyna qanshalyqty keri áserin tıgizip, demografııalyq jaǵdaıyna ózgeris ákeletinin zerttegen. Bul úshin olar qarapaıym adamdar men dıabetterdiń ólim kórsetkishine nazar aýdaryp, naýqastardyń ortasha eseppen qansha jylyn joǵaltatynyn bilýge tyrysqan. Osy úshin bes iri qala men bes provınsııada turatyn 30-79 jas aralyǵyndaǵy 500 myń adamdy zerttegen. Nátıjesinde qalalyqtar shamamen 8 jylǵa, al provınsııalyqtar 10 jylǵa az ómir súretini belgili boldy. Baqylaý kezinde deni saý adamdarǵa qaraǵanda shamamen eki ese kóbirek qaıtys bolǵan. Chjenmınniń aıtýynsha, dıabettiń saldarynan adam ınsýltqa, ıshemııaǵa, isiktiń birneshe túrine, búırek, baýyr aýrýlaryna beıim bolyp keledi.