Kýznesov: Qazaqstan fýtboly damý ústinde

Fýtboldan Qazaqstan jastar quramasynyń (U-18) jattyqtyrýshysy Aleksandr Kýznesov Granatkın memorıaly týrnırinde jartylaı fınalda Grekııany 2:1 esebimen jeńgeni jóninde óz pikirimen bólisti. Bul týraly prosports.kz habarlady. «Men barsha Qazaqstannyń jeńisi. Grekterdi jeńgenimiz beıne bir túsim sııaqty. Bapkerler alqasymen, alańda janyn salyp, dop qýǵan jigittermen osy kúnge jetý úshin kóp ter tóktik. Qarsylastarymyz bizden bir kún kóbirek demalǵanyna qaramastan, josparymyzdy tolyǵymen júzege asyra aldyq. Fýtbol bolǵanan keıin kútpegen jaǵdaılardyń bolatyny belgili. Bir oıynshymyz alańnan qýyldy. Qylshyldap turǵan jas jigitter bolǵanmen, boıyndaǵy emosııasyna erik bermeýi qajet. Biraq tóreshilerdiń sheshimin synǵa alǵandy asa unatpaımyn. Bilesizder me, bizdiń Granatkın memorıaly týrnırindegi sońǵy qarsylasymyz dál osy grekter bolatyn. 2015 jyly olardan 0:6 esebimen oısyraı utylyppyz. Osyny qaperimizde ustap, ese qaıtarýdy oılap júrdik. Endi mine, revansh ta aldyq. Bul jeńisimizdi óz jankúıerlerimizge arnaımyz», – dedi Kýznesov. Ár jattyqtyrýshynyń match saıyn ózindik bir daıyndyǵy, taktıkasy bolatyn belgili. Osy jóninde ol: «Qolymyzda qosymsha materıal boldy. Grekııanyń oıyndaryn tolyǵymen zerttep shyqtyq. Oıyn bastalardan bir kún buryn tún ortasyna deıin árbir sátti egjeı-tegjeıli qarap, taktıkamyzdy oılastyrdyq. Olar kóbine qaptal jaǵyn ashyq qaldyrady. Al biz dál osy tustardy paıdalanyp, qorǵanystan shabýylǵa tez shyǵýdy maqsat ettik ári júzege asyrdyq. Bir oıynshymyz alańnan qýylǵannan keıin olar alǵa qaraı umtylyp, kóp tustaryn ashyq qaldyrdy. Eger qatelespesem, budan bólek taǵy tórt gol soǵýymyzǵa bolatyn edi. Shákirtterime grekterdiń fızıkalyq turǵydan myǵym ekenderin eskerttim. Birden bir artyqshylyǵy osy bolatyn. Al biz tek komandalyq rýhymyzdyń, jeńiske degen qaısar minezimizdiń arqasynda qajetti nátıjege qol jetkizdik. Bizdi tek qorǵanys arqyly ǵana oınaıdy dep synaıtyndar bar. Biraq mán berip qaraıtyn bolsaq, tıimdi jerlerge der kezinde berilgen pastarymyz kóp. О́zgeleri esh sebepsiz aldyǵa, artqa dop jibergendi jaqsy kóredi», – dedi ol. О́tkenge kóz júgirtip qaraıtyn bolsaq, 2012, 2014 jaldary bul týrnırde jastarymyz sońǵy, 2015 jyly 10-oryndardy ıelengen. Bul joly da aqtyq synǵa joldama alady dep eshkim oılamaǵan bolsa kerek. Al bas bapker shi? «Jarystyń basynda bizden ár oıynda jeńis kútpeńizder degen edim. Mine, dál osy kezden-aq bizge degen qysymdy seıilttim. Al óz basym shákirtterime senimdi boldym», – dedi Aleksandr. Eýropada dop tepken fýtbolshylar óz elińe kelip jatsa, jastardyń soǵan qarap boı túzeıtini belgili. Bul týraly: «Ras, órenderimiz juldyzdarǵa qarap elikteıdi. Bizdiń fýtbolymyz damý ústinde dep senimdi túrde aıta alamyn. Máselen, «Qaıratty» alaıyq. Londonnyń «Arsenalynda» dop tepken shashtarazshy Andreı Arshavındi (kúledi, sport tilshisimen bástesip, shashyn taqyrlap alǵanyn eske túsirdi) aldy. Qazaqstanǵa kelip, qaıtadan jasaryp ketken sekildi. Qazir chempıonatymyzdaǵy úzdikterdiń biri», – dedi jattyqtyrýshy.